Goreyê xebera Rojnewsî dewleta tirke nêzdîyê dewa Hirurê de baregehêkê leşkerî yê neweyî awan kena. Rayîrê ver ni baregehê leşkerî warêkê daristanan o.

No baregeh heman wext de nêzdîyê muxafizanê sînorî yê PDKyî yo. Çimeyê herêmîyî dîyar kenê ke herêma baregehî de bi hemkarîya PDKyî darî birîyenê.

Goreyê xebere çimeyêko ke nêwaşt nameyê xo eşkera bikero, pare kerd kerd ke baregeh bi hetkarîya Fermandarê Tugayê Yewinî yê Yewinanê Muxafizanê Sînorî Ferzende Zêbarîyî virazîyeno.

Heman çimeyî eşkera kerd ke bi hetkarîya Dilêr Ferzende Zebarîyî heta nika bi hezaran darî hetê dewleta tirke ra birîyayî û erşawîyayî Şirnexî.

Dîmenanê xebera Rojnewsî de aseno ke rayîro ke şino baregehî, kişta dewa Hirurê ra derbaz beno.