Herêma Besta Tikera ya Koyê Cûdîyî yê Şirnexî de bi rojano binê kontrolê leşkeranê tirkan de qorîcîyî daran qir kenê.

Qorîcîyê ke bajarekê Sêgirkê yê Qilebanî ra şîyî bi hetkarîya tay kesanê bînan daran birnenê. Roja sêşemeyî ra nata darî yenê qirkerdene. Roje de nêzdîyê 400 ton darî yenê birnayene.

Dîya zananeyene ke 70 kesê ke daran birnenê zafê înan qorîcîyî. Darî pê xizaran yenê birnayene. Waro ke darî yenê birnayene rê 30 traktorî ameyî cakerdene û roje de tewr tay çar reyî herême ra darî yenê berdene.

Darî yênê berdene tabûra leşkeran a ke mabnênê Sêgirke û Balverenî de ya.  Warê ke tede darî yenê birnayene bitaybetî cayê ke sey herêma asayîşê taybetî ameyî îlankerdene û dormeyê baregehanê leşkerîyan ê.

Par zî waranê Gûrariştê, Gera Rûviya, Şikira Kera û Banê Elî yê dewanê  Cifane, Nerex, Gilindor, Nêvava, Sorbîtnê, Bêşêrê û Gundikê Remoyî de bi mengan qirkerdişê daran amebi kerdene.