Dewleeta tirka ke 16ê hezîrane de dest pê hêrişê îşxalî yê vera Heftanînî kerd çend îdîa bikere ke a vera gerîlayan bombarduman kena zî Başûrê Kurdîstanî de waranê sivîlan ser o bombayan varnena. Dewa Berseve ya Zaho ke Başûrê Kurdîstanî de wayîrê statuyêka cîya ya çend rojî verê cu hetê dewleta tirke ya îşxalkere ra ameye bombardumankerdene.

Dewijê ke Berseve de ciwîyenê vera hêrişan hersê xo bi nê vatişan ard ziwan: ''Tîya PKK çîn o, ma estê. Dewleta tirke têna gerîlayan nê wazena ma hemeyan bimerno. Bi rojan o hem ma hem waran gerîlayan ser o bombayan varnenê. Dewe de şaro sivîl esto. Eşkerayo ke Hukmatê Başûrî herra ma rota dewleta tirke. Heywanê ma, hêga û erazîyê ma yenê telefkerdene.  Mîyanê baxçeyê ma ra rayîr benê.  Ma nê semedî ra qerqilîyenê. Hûmkmatê Başûrî her çîyî rê çimanê xo qefilneno. La ma do erdê xo cameverdê.''