Merkezê Îrtîbatî û Çapemenîye yê HPGyî derheqê hêrişê dewleta tirke de eşkerayîye daye û nê vatî:

''Roja 8ê hezîrane de serbûto ke saetanê serê sibayî de nêzdîyê Derkarî de qewimîya eleqeya hêzanê ma pê çîn a.

Dewleta tirke ya îşxalkere hêrişanê xo yê plankerdeyan ê vera Barûşê Kurdîstanî rê dewam kena. Netîceya hêrişanê artêşa tirke de bax bexçeyanê şarî zirar dîyo û  rîyê şewatanê ke netîceya nê hêrişan de erazî de vejîyayî daristanan de texrîbato pîl esto.

7ê hezîrane de qereqolanê sînorî ra pê çekanê giranan dormeyê dewa Orê yê Metîna ame bombardumankerdene. Netîceya hêrişî de bex û bexçeyanê şarî zirar dî û şewato ke erazî de vejîya hema dewam keno.

Eynî roje warê Derarê, Kêste, Girê Zendûra  û dormeyê dewa Hirorê yê Metîna zî pê helîkopteranê hêrişî ameyî bombardumankerdene.

Reyna Avaşîn de warê Werxelê pê teyarayanê şerî ame pirodayene û waranê Memreşoyî û Mervanosî de zî têgêrayîşê helîkopteran estbi. Eynî roje warê Kurojehroyî yê Zapî zî pê helîkopteranê şerî ame bombardumankerdene. Netîceya hêrişî de şewat vejîya.

8ê hezîrane de zî erazîya dewa Şkeftîyanî ya warê Merokê yê bajarê Duhokî yê herêma Garê pê teyrarayanê şerî ame bombardumankerdene. Nê hêrişan de vînîbîyayeyê ma çîn ê.''