Dewleta tirke 23ê nîsane ra nata hêrişê Başûrê Kurdîstanî kena. Dewleta tirke hetêkî ra daranê Başûrî birnena bena hetêkê bînî ra zî keyeyanê hemwelatîyan talan kena.

Goreyê xebera RojNewsî goreyê dîmenanê ke medyaya dîjîtale de vila bîyê dewa Rûîsî ya bajarekê Batûfa ya Zaxoyî de keyeyî yenê talankerdene.

Dîmenan de dîyeno ke dewijêk agêreno keyeyê xo û vîneno ke pêro camî şikîyayî, eşyayê ci dizîyayî. Dewij dîmenan de rewşa keyeyî nîşan keno.

Nê kerdişê dewleta tirke bi taybetî Rojawanê Kurdîstanî de herêmanê îşxalkerdeyan de dîyabi.