Dewleta Tirkî hêrişê herêma Reşawa ya Dêraloke, Zap û dewa Etûte ya Zapî kerdibi û nê hêrîşan de 6 sivîlî qetil kerdîbî. Vejîya meydan ke dewleta Tirkî zereyê serre de 20 sivîlî qetil kerdî.
Dewleta Tirkî ya dagirkere 23ê Çele de bi teyareyaanê şerî hîrê saetî herêma Reşawa ya Dêraloke, der-dorê Zapî û dewê ke pîgilanê Kurê Jaroyî de yê bombarduman kerdî. Netîceyê bobardûmanan de herêma Reşawa de çar dewa Etutê de zî 2 sivîlî ameyî qetilkerdene.
NAMEYÊ KESANÊ KE AMEYÎ QETILKERDENE
Reyna kesê ke hete dewleta Tirkî ra Derêlok, Zap û Avaşîn de ameyî qetilkerdene nayemê înan zî ameyî zalalkerdene. Sitkî Sincî Rêkanî, Hekîm Kiryaderî, Sîdat Sîdan, Cîger Sîdan û Alî Sîdan.
Sîvîlê ke nameyê ci Îsmet Sîteî, Şaban Dîhûkî, Faxir Sarkî zî Gelîyê Balinde yê Şeladîzî de şehîd kewtî.
Hîrê birayê ke nameyê ci Tahir Nerwe Sîto, Mecîd Nerwe Sîto, Ramazan Nerwe Sîto yo û eşîra Doskî ra yê dewa Nerwe de semedê rîyê hêrîşanê teyaranê artêşa Tirkî ra ameyîbî qetilkerdene.
Dewa Eredîne ya Amedîye de zî sîvîlê bi nameyê Remezan Mihemed Abdûrrahman, Îsmaîl Hesen, Dilowan Salih hêrîşê teyareyanê şerî de ameyîbî qetilkerdene.
Tewr peyên zî 23ê Çele de herêma Reşawa de 4 dewijî, Dewa Etûte zî 2 sîvîlî ameyîbî qetilkerdene.
VERA HÊRIŞAN ŞAR ÇALAKÎ VIRAŞTE
Dima werdardayîşê cenazeya 6 kesan şarê Dêralok û Şeladizî seba protestokerdişê hêrîşanê dewleta Tirkî û seba protestokerdişê bêvengîya hukmatê herêma Kurdistanî û yê Iraqî nawnayîşî viraştî.
FERMANDARÊ PEŞMERGEYAN: MA DO BIDERÊ DAGIRKERAN RO!
Seba qetilkerdişê dewijanê Reşawa û Etûte fermandarêde peşmergeyan ra reaksîyonêko gird ame dayene. Fermandarê peşmergeyan vat ke, “Girîng nîyo ke ê ke ameye qetilkerdene kamcîn partîyan ra yê. Ê ke ameyî qetilkerdene Kurd ê û dewleta Tirkî no qetlîam kerd. Ma do bi roketanê RPG-7î biderîme wesayîtanê MÎT’î yê ke herêma ma ra derbaz benê.”
