Qezaya Tetwanî ya Bedlîsî de deyîra kurdkî “Serhildan jiyan e” ra cezaya zîndanî ya serrêke û 15 rojan ameye dayene perwerdekarê Komeleya Kulturî ya Serhedî Cesîm Başbogayî.

Vera Başbogayî bi îdîaya 'propagandaya rêxistine' dewa amebî akerdene. Roniştişê dewa de cezaya zîndanî ya serrêke û 15 rojan dîyaye ey.

Başbogayî derheqê ceza de qisey kerd û pare kerd ke deyîra ey platformanê medyaya dîjîtale de hetê bi mîlyonan kesan ra yena goşdarîkerdene. Başbogayî ard ziwan ke ê bi kultur û ziwanê xo pîl bîyê û dewlete wazena ke şarê kurdî bênasname û bêkultur bimano. Baçbogayî vat: ''Ma do vera nê kerdişan sereyê xo nêarê war û her daîm deyîranê xo vajo.''