Platformê Ma do Kişîyayîşê Cinîyan Vindarnê (KCDP) raporê şîdetî yê teşrîna verêne eşkera kerd. 

Rapor de dîya zanayene ke teşrîna verêne de 48 cinîyî ameyê qetilkerdene û 23 cinîyan zî bi hawayêkê şikdarî dinyaya xo bedilnaya. KCDPyî dîyar kerd ke 10 cinîyî seba ke waştêne cîya bibê, teklîfê zewaj û têkilîye red kerdo; 3 cinîyî sebebê ekonomîkî ra ameyê qetilkerdene la sebebê kişîyayîşê 31 cinîyan nêzanîyeno.

Rapor de ame parekerdene ke heta nika nêameyo tesbîtkerdene ke derheqê kişîyayîşê cinîyan de muhakemekerdişê edîlî ameyê kerdene yan ney, kiştoxî ameyê cezakerdene yan ney. Rapor de ame îfadekerdene ke seba astengkerdişê kişîyayîşê cinîyan têkoşîn do dewam bikero.