Bi taybetî viraştişê awbendê Musilî ra û ziwatîye ra dima şaristanê antîkî vejîyayî werte. Arkeologanê Zanîngehanê Tubingen û Fribourg-en-Brisgauyî yê Almanya û Rêxistina Arkeolojî ya Kurdan war kena û netîceyî 31ê gulane de pêşkêş kerdî.

Herêma Dihokî ya Başûrê Kurdîstanî de netîceya ziwatîye de  Zahîkuyo ke 3400 serrî verî şaristanê Qiralîyetê Mîtanî bibi, vejîya werte. Goreyê zanayîşan Zahîku Î.V. 1350 de erdlerzî ra dima rijîyayo.

Qiralîyetê Mîtanî Dengizê Sipî ra heta Bexdadî wayîrê sînoran bi û ewro zî derheqê nê qralîyetî de zaf agahîyî nêkewtî destî. Mîyanê nê qiralîyetî de hurîyî ciwîyayêne ke neslanê verênan ê kurdan ra bîyî. Herêma Mîtanîyan dima kewte binê serdestîya Asûrîyan.

Goreyê xeberêka AFPyî Zanîngehê Fribourgî ra Ivana Puljiz vat: ''Ma zanenê ke no qiralîyet sey misirîyan muamele vînayêne la tek agahîya ke destê ma de ya, kenayîşanê Til Berakî ra yena.''

Aseno ke şaristan di beşan ra yeno pê û kişta Gelîya Dîcle de ronîyayo. Nê kenayîşan de se ra zêdeyêr tabletê kîlî ameyî dîyene.

Ewro awa ke rezervuaranê Musilî ra yena, newe ra pê xerabeyan debîya.