Rejîmê AKP-MHPyî yo ke budçe bi giranî seba şerî xebitnenê krîzê ekonomîkî giran keno û bedelê naye zî şarê Kurdîstanî Tirkîya danê.

Esnafanê  Amedî ANFyî reyde qala rewşa karê xo kerde.

Ramazan Atalay o ke esanafanê Amedî ra yo vat: "Ma vînenê ke se ra 70 kesê ke yenê dikanan seba bazarî nênê. Bi destveng yenê û agêrenê. Sey verî nêeşkenê bi kîloyan çîyêk bihêrînê."

Mehmet Emîn Uçarî vat: "Bi taybetî zimistan de erjê her çîyî zêde beno. Bi hezaran keyeyî estê ke nêeşkenî heta peynîya menge debarê xo bikerê. Her kes goreyê xo rewşa ekonomî ercneno. Tayî vanê rewşe baş a tayê bînî wina nêvanê. Seba merdimo ke erjanê tayan xebitîyeno mumkîn nîyo ke vajo rewşa ekonomîyî baş a."

Esnaf Mustafa Zanayî vat: "Seba ke hatîye û aramîye çin ê krîzê ekonomîkî esto. Rewşa merdiman xemê dewlete de nîya. Labelê ganî şar hesabê nê rewşe biperso. "

Osman Balî vat: "Hînî rotiş û hêrînayîşî resayî asta vindertişî. Hînî dikandarî têna 2 rojan dikanê xo akenê. Selahîyetdarê dewlete vanê ke rewşa ekonomîkî baş a. Rewşe baş nîya. Krîz esto."