Gerîlayanê YJA Starî 11ê Adare de, Girê Sîvrî yê herêma Bêzelê ya Şemzînanî de vera eskeranê Tirkî çalakîyêk viraştebî. Çalakîye de 4 eskerî ameyîbî kiştene û eskerêk zî bibi birîndar. Gerîla TV’yî dîmenê na çalakîye pare kerdî.
Dîmenê çalakîya gerîlayanê YJA Starî ya ke herêma Şemzînanî de ameye viraştene û çar eskerî ameyî kiştene, ameye weşanayene.
HPG’yî derheqê çalakî na eşkerayîye dayebî:
“11'ê Adare saete 10:15 de hêzanê ma yê YJA Starî qezaya Şemzînanî ya Colemêrgî de vera eskeranê Tirkî yê îşxalkaran ê serê Girê Sîvrî yê herêma Bêzelê çalakîyêk viraşte. Wexto ke eskerî koxa nobete ya serê girî de kom bîyî, derbeya girane ameye pirodayene. Çalakîye de 4 eskerî ameyî kiştene, eskerêk zî bi birîndar. Artêşa Tirkî ya îşxalkare çalakîye ra dima obus û hawanî eştî der û doran û hela şanî eskerê xo yê merde û birîndarî bi wesayîtanê zirxinan herême ra vetî.
