Hêrişê îşxalî yê dewleta tirke yê vera Zap, Metîna û Avaşînî dewam kenê. Xoverdayîşê gerîlayanê HPG û YJA-starî vera hêrişanê îşxalî dewam keno. Gerîlayanê YJA-Starî Adare Ararat û Çîya Qamişlo hêrişê îşxalî ANFyî rê ercnayî.

Adare Ararata ke Hemleya Şorişgêre ya Bazanê Zagrosî de ca gêna vat: ''Mengêke ra nata hêrişî dewam kenê. Dişmen vera ma pêro teknîk xebitneno, hêzê gerîlayan ra terseno. Çunke ma wayîrê îrade û qerardarîyêka pîle yê. Heta ke gerîlayî estbê, dişmen do nêeşko erdê ma îşxal bikero, debikewo erdê ma. Dewleta ke semedo ke nêeşkena xoverdayîşê gerîlayan bişikna çekanê kîmyewîyan xebitnena û bi nê hawayî ma qetil kena. Ma do serê rêçê embazanê xo şorê ke  oxirê nê têkoşînî de şehîd bîyê û ma qesasê înan bigêrê. Ma do heta peynî vera îşxalî xo ver bidê û Avaşîn dişmenî rê bikerê goristan.''

Çîya Qamişlo vat: ''Dewleta tirke verî Mamreşo da bombayan ver dima zî erdî ra dest pê hêrişî kerd. Embazanê ke Mamreşo de vera dişmenî bi rojan xo ver da û şehîd bîyî qey ma hêzêko pîl o. Ma do xeyalanê înan bîyarê ca û dişmen erdî Kurdîstanî ra vejê. Avaşîn do dişmenî ra bibo derd. Pêro embazî nê esasî ser o cewab danê dişmenî. Moral û coşê ma ca de yê. Ma do pê nê moral û kelecanî dişmen pûç bikerê. Ma do Avaşîn qet dewleta tirke rê nêverde.''