Meclîsê Xoserîya Demokratîke yê Şingalî (MXDŞ) pê wesîleya serrgêra yewine ya şehadetê Endamê Konseya Serekîya Pêroyî ya KCKyî Dîyar Xerîb (Helmet) pê eşkerayîyêke yad kerd.

Eşkerayîye de wina ame vatene: ''Şarê kurdî yê Başûrî rayberîya kesayetanê sey embaz Helmetî têkoşînê azadî û demokrasîyî xurt kerd.'' MXDŞyî îfade kerd ke fermanê 3ê tebaxa 2014î ra dima seba komelê êzidîyan  Dîyar Xerîb û embazanê ci kedêka pîle daye.

Meclîsê Xoserîya Demokratîke yê Şingalî peynîya eşkerayîya xo de ard ziwan ke ê do xeta Dîyar Xerîbî de heta ke armancanê ci bîyarê ca têkoşîn bikerê û ked û paştdayîşê Dîyar Xerîbî yê seba komelê êzidîyan qet xo vîrî ra nêkerê.