Vera hêrişê îşxalî yê dewleta Tirkî 26’ê Çele de Şêladizê de şar weriştê lingan ser û Baregehê Leşkerî yê Sirê fîna dest. Naye ser a Duhok, Şêladizê, Sîrê û xeylî cayan bînan de 80 ra zafêr kesî ameyî destbendkerdene. Nînan ra  16 kesî hema binê nezaretî de yê.

Duhok de grûbêk seba ke desbenkerdeyî serbest bêrî veradayene çalakîyêk viraşte. Hêzanê asayîşî hêrişê çalakwanan kerd, rojnamagerêk zî tede 10 kesî destbend kerdî. Goreyê zanayişan êyê ke ameyî destbendkerdene 9ê ci endamê Têgêrayîşê Nesîlê Neweyî yê û rojnameger zî NRT TV de xebityeno.