Endamê Komîteya Rayberdişî ya PKKyî Duran Kalkanî qala çarçewa gureyê kitabê 'Guneş Ulkesinde Diriliş'î (Welatê Tîje de Ganîbîyayîş) yê Saît Uçlu û Îrfan Gulerî kerde. Saît Uçlu û Îrfan Guler kadroyê rayberî yê PKKyî bîyî û Rojawan de nêweşîye ra şehîd bîyî.

Qiseykerdişê Kalkanî ra beşêk wina yo:

''Wirdî zî Riha ra bîyî û înan semedê Serek Apoyî nuştêne. Înan xo semedê nê wezîfeyî deyndar hîs kerdêne coka na mesuldarî girewte xo milî. Embaz Saît hem nuştox, resam û hem zî şaîr bi. Ey zîndanî ra nuştêne, her firsend de pê nuştişî xo îfade kerdêne. Embaz Îrfan Sêwrege ra bi. Ey embazê çeke yê Mehmet Sevgatan, Cûma Takan, Salîh Kandalan bi. O bi serran zîndanan de mend bedel da. O zî babeta nuştişî de isrardar bi.

2015 de înan Dibistana Edebîyatê Komelkî awan kerde.Îdare de embaz Fuat, Muzafer bîyî. Dibistane çarçewa qalkerdişê têkoşînê û cuya Rayber Apoyî de dest pê gureyî kerd. Embazan bire daye ke naye ser o 3 kitabî binusîyê. Ma tira vat 'Romanê Partîye.' La bi fermî nameyê ci 'Guneş Ulkesinde Diriliş' bi. Ma goreyê ney planê 7 kitaban ê bingeyîyan kerd. Destpêkerdişê partî, xoverdayîş, gerîla û serewedaritişê şarî nê kitaban de do biameyêne behskerdene. Beşêk wina bi.

Beşê diyînî do qala serranê 1990an û têkoşînê gerîla û serewedaritişanê şarî yê Kurdîstanî bikerdêne. Embaz Saîtî çend reyî Amara ser o fikrê xo eşkera kerdî. 7 beşî bîyî, 7 kitabî bibîyêne, 7 embazan mesuldarîye girewte xo milî. Ma no wezîfe tesdîq kerd. Embaz Îrfan û Saîtî amade bîyî xora wirdî zî wayîrê tecrubeyê nuştişî bîyî. Embazanê bînan zî embaz Bawer, Hayrî, Esat û Bêrîvane nuştêne. 

Dima arêdarîyê dokument û agahîyan, cigêrayîşî dest pêkerd. Embaz Saît, Îrfan şîyî Vakurê Kurdîstanî û Tirkîya. Embaz Îrfan pê kamera, defterê xo Îstanbul de rêçê Rayberîye ser o gêra.Embaz Saîr bi hewteyan Amara de mend, Riha ra gêra. Ma nê xebatî û xebatê embazan ê bînan arê dayî. Arşîvêko pîl vejîya werte. Dima zî karê nuştişî dest pêkerd.

Semedê edebîyatê kurdkî, edebîyatê xoverdayîş û gandarbîyayîşî binge erzîye. Xora kêmasîyê ma estê la oyo girîng no yo ke gama verêne erzîyaye. Şorişêko pîl eşkeno pê edebîyatî bêro kerdene. Karo ke wird embazanê ma yê rayberan Îrfan û Saîdî da destpêkerdene, manayêka pîle îfade keno. Ganî karo ke naye ra pey do bêro kerdene her yew temam bikero. 

Embaz Saît û Îrfanî pê rayîrê kitaban hem kedkarî kerde hem edebîyarê şorişî kerd hem zî edebîyatê kurdan kerd. Berhemê ke înan peyê xo de verdayê do erjanê pîlan biafernê û qetî vîr a nêşorê.