Komîteya Paştdayîşê bi Keyeyanê Şehîdan a PKKyî Îrfan Guler (Adil Urfa) û Saît Uçlu (Ferat Pîr) yad kerdî. Îrfan Guler 14ê adara 2021î de, Saît Uçlu zî 29ê adara 2021î de şehîd bîyî.

Eşkerayîye wina ya:

''Di şorişgerê pîlî yê têkoşînê azadîya Kurdîstanî Îrfan Guler (Adil Urfa) û Saît Uçlu (Ferat Pîr) çarçewa nuştişê romanê şorişî de derbazê Rojawanê Kurdîstanî bîbîy û uca de nêweşîye ra şehîd bîyî. Ma nê wird şehadetan ra semed zaf xemgîn ê. Şexsê keyeyanê ercîyayeyan ê Guler û Uçluyî de ma pêro şarê ma yê welatperwerî rê serweşîye wazenê. Ma wird embazanê xo zî bi minet û rêzdarî yad kenê û sozê xo dibare kenê ke her hela cuya ma ya têkoşînî de vîrameyîşê înan bipawê û têkoşînê înan ê azadîye biresnê serfîrazî.

Cayê embaz Îrfan û Seîd ê ke şorişgêrê pîlî bîyê nênê dekerdene. Wird embazanê ma zî cuya xo semedê têkoşînê azadîye feda kerde. Oxirê ney de mîyanê têkoşînê azadîya şarê kurdî de rêçê pîlî ver dayî.

Embaz Îrfan kadroyanê milîtanan ê destpêkan ra yew bi û karê rêxistinîye de ca girwtbi. O Sêwrege de tewrê têkoşînî bi û ronayîşê partîya ma ra dima erkê Sekreteryeya Yewine ya Komîteya PKKyî ya Sêwege girewt xo mil û bi serkewtişî ard ca. Ey têkoşînê vera axayanê hemkaran û cerganê çekdaran de tewr vernî de ca girewt, erkê îdareyî yê nê warî ard ca û heta serra 1980î bi serkewtişî erkê xo ard ca. 1980 de o hetê partîya ma ra sey mesuldarê Hîlvanî ame tayînkerdene.

O wextê wehşetê 12ê êlule de tepişîya, maruzê îşkenceyanê giranan bi la xo ver da û zîndan vurna dibistane. 2000 de wexto ke zîndanî ra zî vejîya verî tay warê komelkî û sîyasalî de xebitîya dima zî derbazê koyan bi.

Embaz Saîto ke emrê xo na têkoşînê azadîye ser kitabxaneyo gandar ê partîya ma, arşîvê partîya ma bi û o wayîrê tecrubeyê 43 serran bi. Embaz Saîrt 1977 de Dîlok de wexto ke wendekar bi binê tesîrê têgêrayîşê azadîye de mend û Îzmîr de wextê zanîngehî de tewrê partîya ma bi.  Ey tay embazanê xo reyde Komîteya PKKyî ya Îzmîrî naye ro û xebatî dayî destpêkerdene. O Darbeya 12ê Êlule ra dima sey mesuldar tayînê Hîlvan ame kerdene la serê wezîfeyê xo de tepişîya. Embaz Saît 20 serran zîndan de mend la sey embazanê xo vera îşkenceyî xo ver da û bi wayîrê tewirê şorişgêrî.

Embaz Saîtî sey embaz Îrfanî zîndan sey dibistane ercna, tim nuşt, wend; xeylêk nuşte, meqale û kitabî nuştî. O 2001 de zîndanî ra vejîya, cade reyna tewrê erkanê şorişgêran bi û warê komelî-sîyasalî de pêro wezîfeyê xo ardî ca. Embaz Îrfan dima derbazê koyan bi û mîyanê kadroyê nuştişê romanê PKKyî de ca girewt ke partîya ma xeylêk giranîye dana nê romanî.

Rayber Apoyî tim waştêne ke têkoşînê bi hezaran şehîdan, fedakarîya şarê kurdî û cuya azade pê huner û edebîyatî vajîyê. Partîya ma no sey wezîfeyanê tewr girîngan ra yew hesibna. Embaz Saît û Îrfanî no wezîfeyê girîngî girewt xo mil, keda pîle daye, îrade û sebr mojna û nuşt. Xora ê wexto ke semedê nê erkî derbazê Rojawanî bîyî nêweşîye ra şehîd bîyî.

Embaz Saîtî serîya romanan a 'Guneş Ulkesinde Diriliş' ra oyo yewin Amara û oyo pancin 'Ozgurluk Anlayişi' nuşt. Embaz Îrfanî zî na serî ra oyo 'Ozgurluge Doguş' nuşt. Embaz Îrfanî xoverdayîşê xoîdarekerdişî yê Cizîre ser o romanê bi 3 cîldan 'Diz Çokmeyenler' nuşt. Embaz Saîtî zî xoverdayîşê Kobanê ser o romanêk nuştêne.

Embaz Saît û Îrfanî endamê jîhatî yê Dibistana Edebîyatî ya Şehîde Şîlane Bakî bîyî. Înan pê kedêka pîle û xîretî eserê edebî yê pîlî afernayî û bi nê eseran kerd ke ciwan û şarê kurdî xeta şehîdan û Rayberîye de hişmend bibê û tewrê şorişî bibê. Ê pê şehadetê xo bîyî bêmerg û pê romankerdişê tewirê Partîya ma û erjanê şorişî zî bîyî mende.

Ma embaz Îrfan û Saîtî pê rûmet, serkewtiş û perwerî xizmetê şorişî kerd. Ê arşîv, vîr û kedkarê şorişê azadîye yê Kurdîstanî bîyî. Ma embaz Saît û Îrfanî bi rêzdarî û minetî yad kenê. Keyeyanê înan ê ercîyayeyan rê, şarê xo yê welatperwerî rê û dostanê xo rê serweşîye wazenê.

Ma zaf ver kewenê ke nê çimeyê zengînî yê şorişê azadîya Kurdîstanî nişka ra vînî kerdî. Ma reyna soz danê ke do xemgînîya xo bivurnê serfîrazî û serkewtişê têkoşînê azadîye û şorişî, wayîrê mîrasê înan ê edebîyatê şorişgêrî vejîyê, eseranê înan ê nêmcetan temam bikerê û esasê vîrameyîşê înan de şorişê azadîya Kurdîstanî qetî bîyarê ca.''