3 cîldê romanê ''Guneş Ulkesinde Diriliş''o ke qala têkoşînê azadîye kurdan ê 100 serreyî kena vejîya. Nuştoxê romanî Mehmet Saît Uçluyî derheqê romanî de Medya Haber TVyî rê qisey kerd.

Uçluyî da zanayene ke Abdullah Ocalanî serra 2001î de waştbi ke tarîxê azadî û têkoşînê PKKyî de kitabî bêrê nuştene. Coka ey zî no roman nuşt.

Uçluyî eşkera kerd ke pêşnîyazê Rayberê Şarê Kurdî Abdullah Ocalanî ser o komêka 7 kesan ronîyaye û roman bi temamî 7 cîld ê.

Uçluyî vat: ''Ma nê romanê xo de Rayberîye esas girewte û wina xebatî kerdî. Ma bi seyan kesan reyde pêvînayîşî kerdî, ma domanî, wendekarîya Rayberîye ser o cigêrayîşî kerdî. Ma sey arkeologan xebatî kerdî.''

Uçluyî pare kerd ke kitabo verên Amara ya û nê romanî de seserra 19 û 20. ra heta serranê 1960î  serewedaritişê kurdan ameyî nuştene. Uçluyî eşkera kerd ke sey romananê bînan Amara zî 3 cîldan ra yena meydan.

Kitabo diyîn hetê Bawer Çubukî ra, romano hîrêyîn hetê Îrfan Gulerî ra û o çarin zî hetê Mehmet Fahrî Çîftkuşî ra nusîyayî.

Uçluyî vat: ''Kitabê panc û şeşînî qala serranê 1982an kenê û nê romanî zî do emser vejîyê.''