Fermandaranê YJA-Starî ra Hêlîne Bêrîtan derheqê Fermandarê Bêmergî Egîdî (Mahsum Korkmaz) de ANFyî rê qisey kerd.

Femandare Hêlîne îfade kerd ke Fermandar Egîdî bi tewir, taktîkanê xo yê şerî û perwerîya xo ya Rayberîye bîyo nimûne û vat: ''Embaz Egîd kesêko winayên bi ke ey ters kişt û cesaret zerrîya merdiman ra neqş kerd. Ewro bi hezaran cinî û ciwanê camêrdî ruhê embaz Egîdî pawenê. Ruhê embaz Egîdî ruhê gerîlatîye yê nikayênî de ciwîyeno, bi taktîkanê xorinan keweno mewzîyanê dişmenî. Embazê ma bi îrade û bawerîya embaz Egîdî şer kenê. Îqtîdarê tirkan se keno nêkeno nêeşkeno şerwananê embaz Egîdî bin bivisno.''

Fermandare Hêlîne bale ante Operasyonanê Şorişgêran ê peyênan ser û vat: ''Gerîlayî hendê nefesî nêzdîyê dişmenî yê. Nêzanîyeno ke gerîlayî key, kamca de çita bikerê. Gerîlayî bi ruhê serkewtişî aver şinê. Avaşîn, Zap û Metîna de embazê ma ver bi serkewtişî şinê. Ma armanc kenê ke azadîya Rayberê xo bîyarê ca.''

Fermandare Hêlîne Bêrîtan ard ziwan ke gerîlayî seba şarê Kurdîstanî bi ruhê Newroze şer kenê û vat: ''Ma şerwanê şehîdanê xo yê û seba qesasê înan têkoşîn kenê. Dişmenî bi teyarayanê xo yê keşfî û taktîkanê xo bawer kerdêne la fermandaranê ma vera teyarayanê keşfî sîstemê fuzeyan aver berd. Ne şarê ma ne zî gerîlayî sey verî yê. Gerîlayî bi taktîk û teknîkanê xo qewimîyayîşanê pîlan mojnenê.''