Yewinanê pisporan ê YJA-Starî tunelanê şerî yê Herêmanê Pawitişî yê Medya ra bi wesîleya serrgêra 31. ya şehadetê Fermandare Bêrîtane (Gulnaze Karataş) mesajêk şawit.

Mesajê gerîlayan wina yo:

''Ma serrgêra 31. ya artêşbîyayîşê cinîyan fîraz kenê. Ma Rayber Apoyo ke kede daya artêşa cinîyan selam kenê. Ma şexsê Fermandare Bêrîtane de pêro şehîdanê xo bi rêz û minetî yad kenê. Embaze Bêrîtane bi têkoşînê xo vera îşxalker û xayînan tewirêko çêr mojna, aye teslîmîyet red kerd û bi nê tewirê xo ma rê bîye nimûne. Şehîde Bêrîtane xeta ma ya têkoşînî ya. Sey endamanê YJA-Starî ma serê rêçê embaze Bêrîtane, Delale Amed, Leyla Sorxwîn û Axîne Mûş de têkoşîn kenê. 

Wa dişmen hol bizano ke hêzê YJA-Starî her ca de yê, nêzdîyê ci yê. Dişmen çend hêriş bikero zî do nêeşko gerîlayan çin bikero. Serkêşîya YJA-Starî de ewro derbê giranî dîyenê dişmenî ro. Wa şarê ma bizano ke çalakîyê ma do tim dewam bikerê. Heta ke Rayber Apo azad bibo ma do nêvinderê. Wa xayînî cade rayîrê xo ra abigêrê. Ma venga pêro cinîyan ê ciwanan danê ke hînî cuya sîstemê tecawuzkere qebul mekerê. Gerîlayê YJA-Starî do qetî têkoşînê xo ra fek vera nêdê. Ma hêzê Rayber Apoyî û şarê xo yê fedayî yê. Vera her hêrişî ma do xo ver bidê.''