Emîne Şenyaşara ke mêrde û lajê ci hetê merdimanê Wekîlê AKPyî Halîl Îbrahîm Yildizî ra kişîyayî 73 rojî yo verê Edlîyeya Riha de lajê xo Ferît Şenyaşarî reyde nobeta edaletî kena.

Emîne Şenyaşar çalakîya nobete de vat: ''Êyê ke vera nê qirkerdişî bêveng ê do rojêke hesab bidê. Polîsî ma bînaya edlîye ra vejenê teber. Pêro qeydê ma yenê nimnayene. Domanê ma qestî ra kişîyayî. Wa çew nêbo hemparê nê qirkerdişî. Ma wazenê wa edalet bêro caardene.''

Ferît Şenyaşarî zî qeydê kamerayanê nêweşxaneyî vistî vîrî û vat: ''Serdozgerîya Komare ya Riha pê mîyankerdişê na dosya sûc kena. Heta ke edalet bêro caardene ma tîya ra nêşorê.''

Çalakîye ra dima polîsan pê şîdetî Emîne û Ferît Şenyaşar destbend kerdî.

Keyeyî hesabanê xo yê medyaya dîjîtale ser o dîmenê serebûtî weşanayî û vat: ''Nobeta edaletî de dadîya mi û ez ma bi hawayêkê bêhuqûqî ameyî destbendkerdene. Verê edlîye de pê zorî polîsan ma nişnayî wesayetê xo û nika ma wina vindarnenê. Ma zulm nê edalet waşt. Noyo ke ma rê yeno kerdene qey edalet o?''