Endamê Meclîsê Partîye yê HDPyî Keser ame tepiştene
Endamê Meclîsê Partîye yê HDPyî Firat Kesero semedê îfadedayîşî şi edlîye, ame tepiştene.
Endamê Meclîsê Partîye yê HDPyî Firat Keser çarçewa cipêsayîşo ke derheqê ci 2021 de amebi akerdene de semedê îfadedayîşî şi Edlîyeya Wanî.
Bi sîstemê SEGBÎSî hetê Serdozgerîya Komare ya Aydinî ra îfadeyê Keserî ame girewtene û sewqê mehkeme ame kerdene. Kesero ke vejîya mehkeme bi îdîaya endamîya rêxistine tepişîya û şawîya zîndan.
