Rojanê peyênan de binê nameyê Hêzanê Pawitişê Sînorî de xeylêk hêzî erşawîyenê waranê gerîlayan ê Başûrî. Eşkera bibî ke nê hêzî hêzê Gulan, Parastin û Zerevanî yê PDKyî yê. Endamanê verênan ê Parastinî ra Şêrwan Seîd Yusuf Hecîyî derheqê babete de agahîyê girîngî dayî ANFyî. 

Şêrwan Seîd Yusuf Hecîyî da zanayene ke hêzê Iraqî qetîyen bi nameyêkê bînî nêkewenê Başûrî û vat: ''Ê hêzê ke şinê Dihok, Hewlêr û Şêladizê hêzê Mesûd Barzanîyî yê. Hêzê ereban nêwazenê şorê herêma Kurdîstanî. Hêz Pawitişê Sînorî bi fermananê Mesûd Barzanîyî têgêrenê.

Nê Hêzê Pawitişê Sînorî seba ke vera PKKyî şer bikerê şinê waranê gerîlayan. Ê binê nameyê Iraqî de wazenê uca de cabidê xo. PKK têgêrayîşê welatperweran o. PKKyî bire daye ke qetî vera hêzanê kurdan şer nêkero. PKKyî tim na bire xo eşkera  kerd û mi zî dî ke PKK goreyê na bira xo têgêreno. Wexto ke PDKyî hêrişê waranê ci kerdbi zî PKKyî vera înan şer nêkerd. Eke biwazo PKK eşkeno vera PDKyî şer bikero. La PKK teyna seba şarê xo şer keno.''

Hecî derheqê îşkenceyanê zîndananê PDKyî û babetanê bînan de zî ajansê ma rê qisey kerd.