Derheqê rewşa peyêne ya Şingalî de fermandaranê Yewinanê Xoverdayîşê Şingalî (YBŞ) Xebat Erebo ke eslê xo de ereb o, ajansê ma rê qisey kerd.

Fermandar Xebat Erebî destpêkê qiseykerdişê xo de îfade kerd ke YBŞ seba pawitişê erdê xo ameyo awankerdene û vat: ''Ma qetî şera vera artêşa Iraqî nêwaşt. Ma vera hêzanê ke wazenê aramîya herême çin bikerê, şer kenê. Ma verî zî seba pawitişî, bi seyan şehîdî dayî. Ma xo ver dabi û herême xelisnabî.

Tewirê ma meşrû yo. Ma estbîyayîş û rûmetê xo pawenê. Seba ke ma yewîya şaran xurt bikerê têkoşîn kenê. Ma vera şerî heqê xo yê pawitişî yê meşrûyî anê ca. Ma hukmatê Iraqî rê vanê ke no şer xizmetê şarî nêke no. Reyna herême de koçberîye do vila biba. Na herêma ke bi gonîya şehîdan awe bîya reyna wa nêra vîrakerdene.''

Fermandar Erebî xenga hukmatê Iraqî da û pare kerd ke ewro temamîya Iraqî de DAÎŞ est o û her roje DAÎŞ hêrişê xeylêk herêman keno. Erebî vat: ''Nê hêrişê vera ma hetê dewleta tirke ra yenê kerdene.''