Endamê Komîteya Şaran û Bawerîyan a KCK’yî Cîhan Erenî ke ANFyî rê qisey kerd vat Tirkîya herinda ke bi demokratîkbîyayîşî meselayanê xo çareser bikero û bibo rehet şer û îşxalî vîjnena.

Qiseykerdişê Erenî ra tayî beşî wina yê:

''Serdestî dînî goreyê karê xo genê dest û no zî bi îslamê îqtîdarî yeno netîcekerdene. Hema ke Hz. Peygamber ciwîyayêne tewirê winayênî vejîyayî werte.  Kitabo bimbarek Kurdan zaf qala munafiqan keno. Komelî vera înan hîşyar keno ke înan semedê merdimîye sey grûba tewr bitehluke hesibneno. Fehmê îsamê îqtîdarî hevêr wextê Xalîfê Osamnî de vejîya werte. Serdestê ke nasnameyê înan muslumanê û alîmê ke înan rê xizmet kenê ke ma eşkenê înan ra vajê memurê qesre zî, qewimîyayîşê nê demî sey nîfak-fîtne girewtî dest pêgoş kerdî.

 Coka îdeolojîyê îslamê îqtîdarî Emevîyan de dest pê keno û bi Abbasîyan  dewam keno. Yew zî destpêkerdişê îslamê îqtîdarî yê Selçukîyan esto. Tarîxê Îslamî de wexto qala vergirewtişê îçtîhamî bena Gazalî yeno vîr. Gazalî sey mîlatêk yeno zanayene. No demê Seçukîyan o. Gazalî o wext meleyê medrese yo. Bi vatişê ewro dekan-rektor o. Seralîmo ke qesr ey ra aqil geno. Osmanîyî hîna cehîl ê. Bi kiştiş îşxalê herrê meşkul ê. Coka Rayberîya ma semedê înan vano 'nobetdarê goran' no tespîbeto zaf muhîm o. Tîya goristanî ra qasit vergirewtiş û helisnayîşê  erjê kultur û komelkî yê Rojhelatê Mîyanên o.

Mesela tewirê şerî yê DAÎŞî ê îqtîdarê îslmî yê sey fehmê tirkî yo. serebirnayîş verê îslamî qebilayanê ereban de estbi la îslamî no qedexe kerd. Îsamî komkiştiş, serebirnayîş û kolekerdişê cinîyan qetîyen qedexe kerd. Serebirnayîş û talankerdiş bi serdestanê tirkanê ke îsalmî goreyê xo şuxulnenê, kewt îslam. Tirkîya bi rejîmê AKP-MHPyî wazena ke verê bedilyayîşê serdestanê ereban bigero. Osmanîyan zî herinda refomrkerdiş de hêrişê şaran kerdêne ke heqanê xo wazenê.

Bedilnayîşê Rojhelatê Mîyanenî yeno manaya bedilnayîşê Tirkîya Îranî. Tirkîya verî bi cîrananê xo hol esayêne la badê APKyî hêrişî de sînor nas nêkena. Çend rojî verê cu hêrişê artêşa Iraqî kerd. Îşxalkerdişê welatê ereban sey  ferzekê îslamî vînenê ke bêro caardene. Dewleta tirke gerek hem hetê sîstemî ra hem zî semedê meseleya kurdî zîhnîyetê xo bibedilno. Tirkîya herinda ke bi demokratîkbîyayîşî meselayanê xo çareser bikero û bibo rehet şer û îşxalî vîjnena. Xeta Osmanîyanî de hêrişê kurdan û ereban kena. Dewleta tirke qey Kurdîstanî sey herra xo vînena, sey welatê xo hesibnena? Pê heqê ke îslamê îqtîdarî ra gena. Serdestê tirkan seba ke Kurdîstan feth kerdo sey ganîmetî vînena. Raştîye de  fethkerdişê Kurdîstanî çîno xora. AKP verî têna semedê Vakurî vatêne ê ma yo la nika şerê dinya yê hîrêne sey firset dîyo ke naye semedê Başûr û Rojawanî zî vanê. Heman çî semedê Sûrîye û Lîbya de semedê şaranê ereban zî yeno vatene. Hinî nîyetê xo yê raştî nênimnenê.

Vera naye cewabo tewr pîl şarê kurdî û erebî Îdareyo Xoser ê Vakur-Rojhelatê Sûrîye yo. Gerek no model bêro pîlkerdene û averberdene. Tirkîya binê nameyê multecîye de şarê Sûrîye rehîn tepiştena ke gerk ê xo înan ra bixelisnê. Vera na tradejî û qirkerdişî wezîfeyê têkoşînî keweno Sûrîye, roşnvîranê ereban û welatperweran. Rejîmê Sûrîye û alîmê dînî gerek rolê xo bîyarê ca.  Bi hezaran ciwanê ereban seba ke keyeyê înan destê înan de yê semedê  dewleta tirke şer kenê.

Dewleta tirke seba ke kurdî hişmendîya neteweyîye dest mefîne paştî daye tay tarîqat û cematan. Medreseyê kurdanê welatperweran qefilnayî la semedê hemkaranê xo cayê neweyî akerdî. Welatperwerê sey Şêx Seîdî bi îdamî qetil kerdî. Dima ke PKK bi têkoşînê xo şar hîşyar kerd ke heme şarî gerek seycîye bî,  şarî hînî dînî ra wina bawer kerd ke cîyayîya nasname û ziwanî alametê hêzê hûmayî ya.

Bi PKKyî mîyanê şorişî de şoriş bi. Kurdê ke bîyî hezar perçe heman ruh, hîs, fehm û sîyasetî de ameyî têhet. Cinîya ke tewr zaf ameyêne enciqanayene têkoşînê kurdan de serkeşîye kena. Ma sey têgêrayîşî bizor fîkrê xo çew/e rê nêdanaê qebulkerdene. Senî ke vanê dînê îslamî de zor çîn o.  Sey naye. 40 serrî verê cu estbîyayîşê kurdanê Vakurî sebebê munaqeşe bi la ewro ma têkoşînê tdemokrasî yê Rojhelatê Mîyanênî de me hêzêko aktîfî ê. Ewro xeyrê PKKyî kurdî sey şarêko herre xo de bêdewlete yo yenê zanayene. Têkoşînê ma xora yê îqtîdarî nêbi.  Herra yewnayî rê hekîmbîyayîş xora qet goreyê ma nîyo. Ma çîyo ke semedê kurdan wazenê, semedê tirk, ereb, fars, ermenî, asurî-suryanî û çekezan zî wazenê. Nimuneyê naye kurdê Rojawanî yê ke bi fîkranê Rayber Apoyî têgêrenê. Kurdan tîya verî xo dima ra erebî û şarê bînî  zî rêxisitin kerdî.

Ma wazenê ke modelê Îslamê Medîne bêro aktuelkerdene û xeta Şam Baxdad û Îstanbulî wa bêro eştene. Îslamo Demokratîko ke ma vanê, Îslamê Muhammedî yo ke  cuya şarê ma de bîyo sey kulturî. Ma wazenê ke dînê haştîye yê Îslamî têna qale de nê amel de  haştîye ferz bikero. ''