Zaf dewanê qezaya Tatosî ya Erziromî de rayîrê ke rîyê vewre ra ameyî padayîne semedê çînbîyayîşê benzînî ra nênê akerdene. Labelê ame zanayene ke rayîrî semedê raydayîşê HDP’yî ra nêameyî akerdene.
Weçînayîşê cîyayan ê 31’ê Adare rê wextêko kilm mend la reyna zî rayîrê zaf dewan hîna padayî yê. Dewê ke rayîrê înan padayîyê de persê hemwelatijan her ke şinê zêde bênê.
Zaf dewê Elewîyan ê qezaya Tatosî ya Erziromî de rayîrî seba ke ‘benzîn çin o’, “kepçe xerepîyayo” nênê akerdene. Ame vatene ke hemwelatijê ke seba akerdişê rayîranê dewan şîyê Şaredarîya Tatosî û qaymeqamîye cewabê “Dewê ke rayan danê HDP’yî rê xizmet do bêro tengkerdene. Şima ke rayê xo bidayêne AKP, CHP, MHP’yî ma şima rê reyna xizmet kerdêne la seba ke şima rayê xo dayê HDP’yî şima rê xizmet çin o“ ameyo dayene.
Hemwelatijê ke bi rojan o Tatos de mehsûr mendî zî hertim mecbûr sewbînan dewan de mamenê. Hemwelatijê ke nêwazenê nameyê xo bidê, reaksîyon danê îqtîdarê AKP’yî û pawenê ke rayîrî abibê. Şaredarîya Tatosî zî 6’ê Çele 2017’î ra nat bi qeyûmo ke ameyo tayînekerdene, yena îdarekerdene.
