Şaristananê sey Dêrsim, Çewlîg, Xarpêt û Erziromî de di rojî yo vewre bi hawayêkê zêdeyî varena. 

Erzirom de varayîşê vewre ra rayîrê 517 dewan qefilîyayî. Goreyê agahîyan qezaya Qereçobanî de rayîrê 172 dewan, Qereyazî de rayîrê 147 dewan, Tatos de rayîrê 116 dewan, Çat de rayîrê 82 dewan qefilîyayî.

Hetê bînî ra dewa Burnazî ya Qereçobanî de zî axurêk binê vewre mendî. 43 heywanî bi hetkarîya şarê dewe ameyî xelisnayene.