Deweka Gulbîşî ya dewa Akyolî ya Kerboranê Mêrdînî de şîkeftêke de xeylêk esteyê merdiman ameyî dîyene. yeno texmînkerdene ke nê esteyî yê kesanê ke hetê JÎTEMî ra ameyî remnayene û qetilkerdene yê înan ê.

Kesê ke merdimî înan vînîbîyayeyê seba ke esteyî bêrê etudkerdene muracatê dozgerîye kerd. Muracatî ra dima leşkerê tirkan û avûkatê Komeleya Heqanê Merdiman ê Mêrdînî şîyî şîşkefte. Esteyî semedê etudkerdişî Dezgehê Tibê Edlîyî yê Îstanbulî (ATK) rê ameyî şawitene.

Avûkatanê dewaya JÎTEMÎ ya Kerboranî ra Erdal Kuzuyî ard ziwan ke esteyî do bêrê etudkerdene û înan zî muracatê dozgerîya Kerboranî kerd ke nimûneyê DNA yê kesanê ke serranê 90an de ameyî qetilkerdene estî çînî wa vejîyê werte.