Eyleme Oyunluya ke pîya bi wird domananê xo yê wirdîyan ke înan ra yewe hema name nêdîyabi ci, kewte zîndan nameyê kênaya xo Omedya na pa.

Eyleme Oyunlu 18ê hezîrane de bi îdîaya 'hetkarîya rêxistine' amebî tepiştene û  domananê xo yê 2 serre û 10 roje reyde gêrîyaye Zîndanê Amedî. Domana 2 serre ya Eyleme bronşît a û ganî bêra weşkerdene. Çimê dergûşa Eyleme zî îltîhab bîyê û ge ge tira gonî yena war. Dergûşa qijkeke ganî 6 mengan tedawî bivîna. 

 Eyleme dergûşa xo ya qijkeke rê nameyê Omedya da ke Omedya kirdkî de yena manaya hêvî, omid. Eyleme Oyunlu û wird domanê ci 20 rojan ra nata zîndan de yê.