Merkezê Îrtîbatî û Çapemenîye yê HPGyî nasnameyê 3 gerîlayanê cinîyan eşkera kerdî.

Eşkerayîye wina ya:

''Embazê ma Adare, Dîrene û Dîcle yê ke seba perwerîya xo ya îdeolojîya azadîye ya Rayber Apoyî vejîyayî koyan ser 20ê êlula 2022yî de pêkewtişê vera artêşa îşxalkere de heta nefesê xo yê peyênî şer kerd û şehîd bîyî.

Nê prosesî de ke vera cinîyan û şaranê xoverdayoxan hêrişê tewr bêrehmî yenê kerdene, cinîyê kurdîstanijî pê hişmendîya îdeolojîya azadîye ya Rayber Apoyî tewrê têkoşînî benê û nê hêrişan rê pê xoverdayîşî cewab danê. Gerîlayê YJA-Starî vera serdestîya camêrdan têkoşîn kenê û xîret kenê ke seserra 21. bikerê seserra cinîyan û şaranê xoverdayoxan. Ewro nê gerîlayî pêro dinya rê beno îlham û çimeyê hêzî.

Embazê ma Dîrene, Adare û Dîcle yê ke pê têkoşînê xo hêvî daye cinî û şaran sey fermandaranê serkêşan ê YJA-Starî Amed de bîyî wayîrê rayraşîyayîşêkê fedakarî. Nê embazanê ma yê qehremanan bi rayraşîyayîşê xo yê qerardarî morê xo da binê tarîxê têkoşînî û bîyî sembolê têkoşînê cinîyan.

Embaze Dîrene, Adare û Dîcle pê tewirê xo yê isrardarîya azadîye pêro waştoxanê azadîye rê do bibê mîsal. Ma soz danê ke erkanê ke înan ma rê verdayî, biresnê serfîrazîye. Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Dîrene Wan Name û Peyname: Alîye Kîye Cayê Bîyayîşî: Wan Maye-Pî: Vasfiye – Ebubekîr Tarîx û Cayê Şehadetî: 20ê Êlula 2022yî / Amed

Nameyê Qodî: Adare Amed Name û Peyname: Hatîce Ay Cayê Bîyayîşî: Amed Maye-Pî: Hîdayete – Abdullah Tarîx û Cayê Şehadetî: 20ê Êlula 2022yî / Amed

Nameyê Qodî: Dicle Sêrt Name û Peyname: Hacere Sucîn Cayê Bîyayîşî: Şirnex Maye-Pî: Hediye – Îbrahim Tarîx û Cayê Şehadetî: 20ê Êlula 2022yî / Amed

Embaze Dîrene Elbak de dadîya xo ra bena. Embaze Dîrene Komployê Mîyanneteweyî yê vera Rayber Apoyî ra dima 1999 de tewra gerîlayan bîye la seba ke emrê ci qij bi nêameye qebulkerdene. La a bi israrî 2003 de reyna tewra gerîlayan bena. Embaze Dîrene Qendîl û Zap de gerîlatîyêka serkewte kena û sey fermandarêke derbazê Zagrosan bena. A serkêşîya fermandara şehîde Rojîne Gevda de tewra xeylêk çalakîyan bena û 2011 de tewra prosesê Şerê Şarî yê Şorişgêrî bena. Embaze Dîrene bena fermandarêka zixme ya YJA-Starî û milîtanêka zixme ya PAJKî. 2011 de a derbazê Amedî bena û bi serran bêmabên tîya de têkoşîn kena. A prosesê xoverdayîşê xoîdarekerdişî yê Amedî de zî têkoşîn kena. Embaze Dîrene 19 serran gerîlatîye de bena fermandarêka mîsale. Xeyalê aye yê azadîye do hetê embazanê ci ra bi serfîrazîye bêrê tacîdarkerdene.

Embaze Dara qezaya Pasûrî ya Amedî de 1990 de dadîya xo ra bena. Embaze Daraya ke babîyê cş hetê kontrayan ra kişîyabi verî xebatanê ciwanan de cagêna. Embaze Dara 2008 de Amed de tewra gerîlayan bena. A serranê zehmetînan de 2008-2014 de Amed de têkoşîn kena û bena gerîlayêka marîfetîne ya YJA-Starî. A 2014 de derbazê Herêmanê Pawitişî yê Medya bena, Akademîya Şehîde Bêrîtane de perwerde gêna û bena fermandarêka YJA-Starî. Dima seba ke xo aver bera Dibistana Operasyonî ya Şehîde Rojîne Gewda de perwerde gêna û Akademîya Hakî Karerî de zî perwerde gêna. Dima a narey sey fermandarêka YJA-Starî agêrena Amedî. A bi nê hewayî bena fermandaranê qehremanan ê Amedî ra yewe û sembolêka Amedî. Şehadetê aye seba tewrbîyayîşê têkoşînî cinî û ciwanan rê vengdayîş o.

 

Embaze Dîcle Botan de dadîya xo ra bena la metropolanê Tirkîya de bena pîle. Embaze Dîcle hema rew pê polîtîkaya asîmîlasyonî hesîyena. A sere de xebata kultur, huner û cinîyan tewra xeylêk xebatan bena. Embaze Dîcle cigêrayîşan ra dima zî 2010 de Botan de verê xo dana koyan. Embaze Dîcle cade binê tesîrê embazîya gerîlayan de manena û seba ke xo aver bera tim xîret kena. Embaze Dîcle 12 serran Botanî ra heta Amedî, Amedî ra hetê Herêmanê Pawitişî yê Medya û reyna Amedî bêmabên sey gerîlayêke têkoşîn kena û pêro wezîfeyanê xo bêkêmasî ana ca. Embaze Dîcle Amed de sey fermandarêke kena ke biba cewabê hewcedarîyanê şarî. A 20ê êlula 2022yî de tewra karwanê bêmergan bena.''