Qezaya Cizîre ya Şirnexî de DEM Partî seba dîyarkerdişê namzetanê xo yê weçînayîşanê herêmîyan ê 31ê adare turo diyîn ê verweçînayîşî kerd.

Turê diyînî de hezar û 2016 delegeyan raye daye û heta şewe rayî ameyî hûmaritene. Netîce de turê diyînî yê verweçînayîşan de Gulere Tunç û Abdurrahîm Durmuş bi rayanê şarî sey namzetanê şaredarîye yê DEM Partî ameyî weçînayene.

Endamê Meclîsê Partîye yê DEM Partî Zeyad Ceylanî vat: ''Şarê Cizîre wayîrê îradeyê xo vejîya. Cizîre cayê xoverdayîşî yo.''

Wekîla DEM Partî ya Dêrsimî Aytene Kordu zî bale ante tecrîdê Îmraliyî ser û vat: ''Ma pîya tecrîdî bişiknê. Birêz Abdullah Ocalan do azad bibo û meseleya kurdan bi rayîrê haştîye do çareser biba.''

Delegeyan qiseykerdişan ra dima sloganê sey “Bijî berxwedana zindanan” û “Jin, jiyan, azadî” vatî.