Merkezê Îrtîbatî û Çapemenîye yê HPGyî bi eşkerayîyêke nasnameyê hîrê şehîdan pare kerdî. Eşkerayîye wina ya:

''8ê nîsana 2024î de Metîna de hêrişê dişmenî de embazê ma Zîlane Amed, Şahan Amed û Serhed Çarçella şehîd bîyî.

Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma ancî soz danê ke têkoşînê azadîye yê emanetê şehîdanê ma bi serkewtişî tacîdar bikerê.

Nasnameyê embazanê ma yê şehîdan wina yê:

Nameyê Qodî: Zîlane Amed Name û Peyname: Bêrîvane Zengîn Cayê Bîyayîşî: Amed Maye-Pî: Ferîde – Latif Tarîx û Cayê Şehadetî: 8ê Nîsana 2024î / Metîna

 

Nameyê Qodî: Şahan Amed Name û Peyname: Nurullah Tunç Cayê Bîyayîşî: Amed Maye-Pî: Ayfele – Velî Tarîx û Cayê Şehadetî: 8ê Nîsana 2024î / Metîna

 

Nameyê Qodî: Serhed Çarçella Name û Peyname: Esed Raid Cayê Bîyayîşî: Qamişlo Maye-Pî: Yasmîne – Raid Tarîx û Cayê Şehadetî: 8ê Nîsana 2024î / Metîna

Embaza ma Zîlane dewa Çemê Elîka ya qezaya Licê ya Amedî de dadîya xo ra bena. A hêverî xebatanê ciwanan bena û dima 2004 de tewra gerîlayan bena. A wextêk Amed de manena tîya ra zî derbazê Herêmanê Pawitişî yê Medya bena. A çar serran Heftanîn de erk kena. A Akademîya Şehîde Bêrîtane de perwerde vînena. Dima a Qendîl, Heftanîn û Garê de erk kena û bena gerîlayêka marîfetîne. A 2014 de Akademîya Mahsum Korkmazî de perwerde vînena û bena fermandarêka YJA-Starî. A vera cerganê DAÎŞî Rojawan de erk kena. Dima agêrena koyan Akademîya Şehîd Îbrahîmî de perwerde vînena. A sey fermandarêka herême verê xo dana Metîna. Embaze Zîlane Metîna de derbanê giranan dana dişmenî ro. A sey fermandarêke her ca de erkê xo yê serkêşîye kena û bena wayîra kedêka pîle. Ma zî soz danê ke heta caardişê xeyalanê aye têkoşînê xo rê dewam bikerê.

 

Embazê ma Şahan Amed de dadîya xo ra beno. O 2010 de tewrê xebatanê ciwanan beno û 2015 de tepişîyeno. Serrêke zîndan de maneno û dima 2018 de verê xo dano koyan. O Heftanîn de perwerde vîneno. Embazê ma Şahan Zap, Avaşîn û Metîna de  beno parçeyêkê têkoşînî û beno şahîdê xoverdayîşê Girê Hekarî. Embaz Şahan bi pratîkê xo îsbat keno ke ganî vera dişmenî ma senî têbigêrê.  Ma soz danê ke vîrameyîşê embaz Şahabî bikerê sebebê pîlkerdişê têkoşînî.

Embaz Serhed Qamişlo de dadîya xo ra beno. Embaz Serhed hêverî tewrê xebatanê şorişî beno û 2018 de zî verê xo dano koyan. O xeylêk wextan Herêmanê Pawitişî yê Medya de şer keno, Akademîya Şehîd Mahîrî de perwerde vîneno. Embaz Serhed tunelanê şerî yê Metîna de bi xurtî têkoşîn keno û embazanê xo rê beno çimeyê moralî. Embaz Serhad bi xoverdayîşê xo tunelanê şerî vurneno kelaya xoverdayîşî.''