Hemserekê Dîwanê Meclîsê Şarî yê Demokratîkî yê Kampa Multecîyan a Şehîd Rûstem Cûdîyî (Mexmû) Neşat Karayî û Hemsereka Dezgehê Keyaynê Şehîdan a Kampe Sultane Yildiztan derheqê tecrîdkerdişê Rayberê Şarê Kurdî Ocalanî de ANFyî rê qisey kerd.

Hemserekê Dîwanê Meclîsê Şarî yê Demokratîkî yê Kampa Multecîyan a Şehîd Rûstem Cûdîyî (Mexmû) Neşat Karayî modelê çareserîye yê Abdullah Ocalanî seba meseleyanê Rojhelatê Mîyanênî û meseleya kurdan alternatîf o û vat: ''Dewleta tirke wazena modelê Rayber Apoyî asteng bikera û kurdan bi temamî qir bikera. Eke sîstemê neteweya demokratîke bi serkewtişî bêro caardene pêro meseleyî do çareser binê. Ganî şarê kurdî pê çalakîyanê xo azadîya Rayber Apoyî bîyaro ca. Caardişê sîstemê neteweya demokratîke yê Rayber Apoyî do îşxalkeran rê bibo cewabêko tewr pîl. Her roje zîndanan ra cenazayî vejîyenê. Tepişteyî vera kerdişanê dewlete şexsê Rayber Apoyî de xoverdayîşêkê pîlî kenê.''

Hemsereka Dezgehê Keyaynê Şehîdan a Kampe Sultane Yildiztan zî ard ziwan ke rejîmê Erdoganî wazeno pê tecrîdkerdişê Rayberê Şarê Kurdî, kurdan bêveng bikero. Yildiztane vat: ''Ê do nêeşkê vengê ma bibirnê. Ma do pê têkoşîn û vengê xo rejîmê Erdoganî birijnê. Rayber Apo mezg, fikr û estbîyayîşê ma yo. Şexsê Rayber Apoyî de şarê kurdî yeno tecrîdkerdene. Dewleta tirke 17ê nîsane ra nata hêrişê gerîlayan kena. Dewleta tirke raşta xoverdayîşê gerîlayan ameya û wayîra cenazayanê xo zî nêvejîyan. Gerîlayan dewleta tirke kilîd kerda.''