Polîtîkayê şerî krîzê ekonomîkî afernenê. Krîzê ekonomîkî ra şertê cuye her roje benê giranêr. Roniştoxanê Amedî krîzo ekonomîk û budçeya şerî ya dewleta tirke ANFyî rê ercnayî.

Ramazan Emînoglu: Hetê ekonomîkî ra ma her roje hîna apey şinê. Çend serrî verî bazaran de ma eşkayêne çi biwazê bihêrîne la nika vaya her çî zêdîyaya. Ma nêzanenê ke pereyê xezîna çita rê yeno xerckerdene. Kurdî teyna haştîye wazenê. Sey Esadî êyê ke vera kurdî şer kenê, bin kewenê. Ma şerê vera Rojawanî qebul nêkenê.

Mehmet Fesîh Karakaş: Qîmetê pereyî nêmendo. Her çi vay bîyo. Ekonomîya Tirkîya ha bin kewena. Şarê kurdî cara xizan o. Ma do sebî bi meaşê asgarîyî debara xo bikerê? Hinî qisey qedîyayo. Pereyê şerî cîyefê ma ra şino. Her ke şer beno giran, ma zî beno xizanêr. Ma şer ney, aramîye wazenê.

Şukru Eser: Verê cû her çi erjan bibi la hinî merdim nêeşkeno qalê erjanîye bikero. Ez teqawutbîyaye ya la neçare manena ke bazar de bixebita. Wa ê bêrê bi pereyê meaşê asgarîyî debara xo bikerê. Seba ke pere şino çekan krîz est o. 

Hasan Kabarma: Ez nêeşkena berheman bîyara bazarî. Êyê ke mi ardê zî nêroşîyenê. Ma sey şarî hinî xizanîye nêwazenê, merdimî na rewşe ra acizîyayê. Wina bîyo ke ma nêeşkenê nanî zî berê keyeyî.