Fedarasyonê Elewîyanê Demokratîkan (FEDA) semedê tewrbîyayîşê mîtîngê Kolnî  yo ke 15ê adare de  (ewro) semedê protestokerdişê qirkerdişê vera elewîyan do bêro kerdene,  veng da û xeberê leyminê ke derheqê mîtîngî de ameyî vatene şermezar kerdî.

FEDA vat, ''Medyaya sanale de tay zanayîşê leyminî yê sey Têgêrayîşê Kurdan ê Ewropa xo mîtîngê 15ê adare ra peyser ant ameyî parekerdene'' û vera nê hêrsê xo ard ziwan.

Eşkerayîye de nê ameyî vatene: ''Mîtîngê 15ê adare semedê protestokerdişê qirkerdişê elewîyan serkêşîya Federasyonê Elewî Ereban ê Ewropa (AAAF), Konfedarasyonê Yewîyanê Elewîyan ê Ewropa (AABK)  û Fedarasyonê Elewîyanê Demokratîkan (FEDA) ame organîzekerdene.

Qet yew merhaleya plankerdişê mitîngî de Têgêrayîşê Kurdan ê Ewropa ca nêgirewt ke xo peyser bianco. Nê vatişî bi waştişê xeripnayîşê têkoşînê hemparî yê şaran yenê kerdene.

Eqsê nê îdîayan de Têgêrayîşê Kurdan ke hasasîyetê prosesî vîneno vat ê bê kiriştişê beyraqe û flamayanê xo do bi hewayêkê qirseyî cayê cananê ma ereb û elewîyan de bê.

No wextî de gerek ma pêro bibê Xizirê yewbînan. Wa çew goş medo nê vatişanê leyminan. Gerek her kes tewrê çalakîyanê vera qirkerdişan bibo û tewirê ro ramojno.''