Keyeyê gerîlayanê rojawanijanê ke pê destê PDKyî ameyê şehîdkerdene ANFyî rê qisey kenê.  

Mihemed Muslim Sido (Berbang) 1971 de qezaya Racoyî ya Efrînî de dadîya xo ra bîyo û 1989 de Şam de têkoşînê azadîye şinasneno. O herême de di serran xebitîya û dima seba perwerdeyî şi Akademîya Mahsum Korkmazî. Berbang dima tewrê gerîlayan bi û Başûr de şerê îxanetî de şehîd bi.

Kekê Berbangî Ehmed Muslîm wina qala birayê xo kerde: ''Wexto ke wendekar bi ey rê teda ameye kerdene ke wa tewrê BAASî bibo la ey no qebul nêkerd û dibistane verdaye. Wexto ke Şam de xebitîyayêne ey Têgêrayîşê Azadîye şinasna. 1991 de Lubnan de bi û dima Başûr de koyan de têkoşîn kerd. Pa ey 7 embazê ci yê domanîye pîya tewrê têkoşînî bîyî. Nînan ra 5 tenî şehîd bîyî. Wexto ke şehadetê ey resa ma rejîmê BAASî eşt keyeyê ma ser û ez û babîyê mi destbend kerdî.

Birayê mi hetê PDKyî ra ame şehîdkerdene. No karê merdiman nîyo. Ma nînan şermezar û lanet kenê. PDK hetê dewleta tirke de ca gêno. Wa PDK şirîkîya dişmenî ra fek vera bido. PDK îxanetê Kurdîstanî keno. Ganî no nêro vîrakerdene ke no şar sereyê xo verê înan de nêaro war. Ê do hesab bidê şarî. Ma do qetî rayîrê şehîdan ra apey nêşorê û dewaya azadîya Rayberê xo bikerê.''