Fermandaranê Hemleya Şorişgêre ya Bazanê Zagrosî ra Alan Malazgîrtî ANFyî rê şerê Zap, Metîna û Avaşînî ercna.

Qiseykerdişê Malazgîrtî ra tay noqtayê girîngî wina yê:

''Ma cara hêrişanê 17ê nîsane rê xo amade kerdbi.  Dişmenî waşt ke Werxelê ra heta Çiyareşî qasê 30-36 kîlomtereyan şoro û hetê başûrî ra zî nêzdîyê 20-25 kîlometreyan şoro, leşkeranê xo herême de ca bikero. Dişmen warêkê hîrayî de hêriş kerd, pê bombardumanan û teknîkî waşt ke tedaya psîkolojîke bikero. La dişmen nêeşka çend rojan leşkeranê xo bîyaro war. Hêzanê ma cade mudaxeleyê înan kerdêne.

Têna Kurojahro, Karker û Werxelê de înan leşkerê xo tayêk ardî war. Xeylêk helîkopteranê înan derbe werde, tayî zî kewtî. Embazan Ertûş de da helîkopterêkî ro. Dişmenî dima verê xo da Başûrê Kurdîstanî ra dest pê hêrişan kerd.Xeylêk cayan de pêkewtişê mabênê ma û leşkeranê tirkan dewam kenê. Dişmen tay cayan de xo nêzdîyê embazanê ma kerd. Labelê embazî her ke dişmen yeno danê piro.

Embazê ma tunelanê şerî de, sey tîmanê hereketînan waran de şer kenê. Tîmê hereketînî wexto ke artêşa tirke xo apey gêna danê piro. Dişmen goreyê xo vano 'ma safhaya verêne qedînaya.' La no raşt nîyo. Tîmê ma yê hereketînî hem vakurî ra hem zî başûrî ra do zêdêr aktîf bibê.  Şer bi temamî binê kontrolê ma de yo û ma sîstemê xo bîyarê ca. Wa kes pê propagandaya dişmenî bawer nêkero. Bîlançoya HPGyî ra eşkera yo ke vateyê 'serkewtişî' yê dişmenî raşt nîyo. Dişmen wazeno bi teknîkî aver şoro la cografya zî destûr nêdana ney. Ma heta nika metod û rayîrê şerî û çalakîyan zaf vurnayî. No şer do dewam bikero û ma do xo goreyê ney amade bikerê. Ma do şerî vilayê pêro erdî bikerê.

Bêguman nê şerî de bedelê giranî, zehmetîyê pîlî est ê. La vînîbîyayeyê ma yê girîngî çin ê. Ma do goreyê dişmenî ney, goreyê xo şer bikerê. Embazê ma xeta Kurojahro, Çiyayê Reş, Werxelê, Karker û Şikefta Birîndaran de her roje çalakîyan kenê. Eke ruh û performansê şerî ra nêbîyêne hende çalakîyî do nêameyêne kerdene.

Her cayo ke dişmenî îşxal kerdo ma rê cayê çalakîyan o. Embazê ma xora çalakîyan kenê. Nika ra pey branşanê xo de taktîkanê neweyan do bîyarê ca û şer bikerê.''