Fermandaranê Hemleya Şorişgêre ya Cengê Xabûrî Piling Suruçî  hêrişê îşxalî yê dewleta tirke û hemleya gerîlayan ANFyî rê ercnaye.

Qiseykerdişê Suruçî ra beşêk wina yo:

''Vera operasyonanê dewleta tirke ya îşxalkere ma Hemleyanê Cengê Xanbûrî û Bazanê Zagrosî anê ca. Ma zanenê ke dewleta tirke wazena Kurdîstan pêro îşxal bikera.

Ma kombîyayîşê zimistanî yê HPGyî de vera nê operasyonan amadekarîya xo kerde. Xora dima înan operasyonê Garê da destpêkerdene û serkewtişê ma hetê Tirkîya ra bi şikîyayîş. Bêgûman rûhê xoverdayîşî yê Apogîrîye, nîqaşan û pespektîfanê ma kerd ke operasyon bin bikewo.

Ewro vera herêmanê Zap, Metîna û Avaşînî vera pêro Başûrê Kurdîstanî komployêk yeno caardene. Xoverdayîşê îmraliyî yê Rayberîye, xoverdayîşê zîndanan û ê koyan kerd ke dewleta tirke teng biba. Hêrişê nikayênî parçeyê hêrişanê vera Heftanînî yê. Dewleta tirke do sey pê Cengê Heftanînî ewro pê Hemleyanê Cengê Xabûrî û Cangê Bazanê Zagrosî bêra tengkerdene. Şero ke dewleta tirke kena, şerê teknîk û psîkolojîk o.

Cengê Xabûrî herêma Matîna, Zinaranê Kêste, Girê Zendûra de vera şerêkê giranî yeno caardene. Heta nika ma apey qet yew game nêeşte, girê xo pey de nêverdayî. Artêşa tirke pê teknîkê xo nê giran de vindena.

Eqsê propagandaya dişmenî şerê 16-17 rojan de 2 embazê ma çalakîyan de şehîd bîyî. Ma heta bika Cengê Xabûrî de şehîdêk nêda. Erdogan û Bahçelî pa Hulusî akarî pê propaganda kenê ke ê do PKK biqedînê. Qedîyayîşê PKKyî hende rehet nîyo. Bi desan hukmatê Tirkîya ameyî-şîyî la PKK hema zî payan ser o yo.

Ganî şarê ma bizano ke waranê Metîna, Girê Zendûra, Zinarê Kêste û herêma Hurorî de bi serran gonîya merdimanê ma ameye rijnayene. Coka ma erdê xo pawenê. Wa şarê ma bizano ke mesele PKK yan zî gerîlayê azadîye nîya. Senî ke dîktatorîya Saddamî vera şarê ma yê başûrî, vera pêşmergeyan qirkerdiş dabi destpêkerdene ewro zî dîktatorîya Erdoganî heman çi kena. Seba ney zî PKK xo rê kena bahane.

Eke vera ney nêrazîbîyayîş nêro mojnayene dewleta tirke do tira cesaret bigêra. Ma sey gerîlayanê azadîye do erdê xo bipawê û hertim dewleta tirke do şerwananê azadîye verê xo de bivîna.

Rixmo ke ewro tayînan xo bêveng kerd zî na bêvengîye bêmesuldarîya înan a. Ewro  Kurdîstan îşxal beno. Gerîlayê azadîye verê xeyalanê Osmanîyan de benê asteng. Ma pê bawer ê ke ma do nê operasyonî bişiknê.

Ez bi taybetî venga şarê Metîna dana ke wa dewanê xo war nêverdo. Rewşa Efrîn û Serêkanîyê verê çiman de ya. Dewleta tirke nê cayan de cergê xo ca kerdî. Wa şarê Metîna pê ruhê Şêladizê xo ver bido, paştî bido gerîlayan. Ez pê bawer a şaranê Bamernê, Amediyê, Bêgorna  û pêro şarê Başûrî do rolê xo bîyarê ca.

Zendûra de 16 rojî yo xoverdayîşê ma dewam keno û ma hema gamêke zî apey nêeşte. Wa dewleta tirke baş bizana ke ma do verê înan bigêrê. Tîya erdê şarê ma yo. Ma zanenê ke serkewtiş do bibo ê ma.

Ez venga pêşmergeyan dana ke wa wezîfe û mesuldarîya xo bîyarê ca. Ma pêro şerwanê şarê kurdî yê. Wa pêşmerge, gerîla û şerwanî mil bidê milî û welatê xo azad bikerê. Ez pêro embazan bi taybetî xoverdayîşê Bazanê Zagrosî sey xoverdayîşê Cengê Xabûrî selam kena. Serkewtiş ê ma yo.''