Fermandaranê HPGyî ra Dr. Mazlûmî bi wesîleya Menga Şehîdan a Gulane ANFyî rê qisey kerd.

Dr. Mazlûmî verî şexsê şehîdanê gulane de pêro şehîdî yad kerdî û vat: ''Ma teqîbkerdoxê şehîdanê şorişî yê, ma do wayîrê keda înan vejîyê. Ma do heta çilka peyêne ya gonîya xo serê rêçê şehîdanê xo de bibê. Ma ewro xêrê nê embazanê xo ra resayê nê rojan.  Kurdan verî zî sere wedarit la raştê qirkerdişî ameyî. Rayber Apoyî û embazanê ey dest pê têkoşînî kerd û netîceya nê têkoşînî de kurdî û Kurdîstan pêro dinya de şinasîyayî. Ganî ma qetî serkêşanê ercîyayeyan ê şorişî xo vîr a mekerê û tim rêçê înan de bibê. Tewir, cuye û têkoşînê embazanê ma yê şehîdan ewro zî ma rê mîsal ê.

Dewleta tirke zî zanena ke neheq a coka hende zaf tersena. Tirkî Asyaya Mîyanêne ra ê ameyî û înan Kurdîstan îşxal kerdo dima zî kurdî seke çin ê hesibnayî. La pêro dinya zanena ke eke no şoriş ser bikewo çar parçeyê Kurdîstanî do îşxalî ra bixelisê û azad bibê. Ma pê ney bawer kenê û îdeolojîya xo zî ney ra gênê. Dewleta tirke ya îşxalkere tersê nê şerî ra verê do dayo hêzê xo yê teknîkî.

Dewleta tirke tim îdîa kena ke do PKKyî çin bikera. Şima kamî çin bikerê? Wa bizana ke çew çin o ke PKKyî çin bikero. Serê erdê dinya de yew kurd zî bimano têkoşînê azadîya Kurdîstanî do dewam bikero. No ma rê zelal o. Faşîzmê AKP-MHPyî pêro kurdî kerdî hedef û dişmenîye îlan kerde. Coka ganî pêro kurdî bi na hişmendî têbigêrê.''