Fermandaranê HPGyî ra Orhan Jêhatî û Fîraz Serhadî fikir û hîsê co yê derheqê Komployê 15ê Sibate û teslîmkerdişê Rayberê Şarê Kurdî Abdullah Ocalanî de qisey kerd.

Fermandar Jêhatî vat: ''O çax ez eyaletê Erziromî de bîya. Mi radyo ra xeberî goştarî kerdêne. A roje mi radyo kerd a. Derheqê tepiştişê Rayberî de xeberêke estbî. Ez şaş û mat bîya. Her saete selahîyetdaranê TCyî eşkerayîye dayêne û vatene Rayberîye tepişte û arde Tirkîya. No wina yew çi bi ke ma tewr pabeyê ci nêbîyî, serê ci nêfikirîyayêne. Ganî mi koma xo rê çîyêk bivatêne la dest û lîngê mi nêtepişîyayêne. Dima mi embazan rê vat. Ma derheqê tepiştişê Rayberîye de qisey kerd. Rojêka zaf giran bîye, seke her çi qedîyabi. Rayberî têkoşînêko pîl kerd. Têna bi sereyê xo xo ver da. Hînî ez pê bawer bîya ke Raybertî amebi tepiştene zî têgêrayîş do dewam bikero. Seba ke têgêrayîşo ke Rayberîya awan kerd têgêrayîşêko winasên nêbi ke wextêkê kilmî de biqedo. Raybertî beno ke amebi tepiştene la berhemê Rayberîye do dewam bikerê.''

Fermandar Fîraz Serhedî vat: ''Çalakîyê şarî, xoverdayîşê zîndanan pêro mojnenê ke se kenê wa bikerê ê nêeşkenê roja ma tarîye bikerê, verê Rayberîya ma bigêrê. Heman wextî de nê pêro mojnenê ke xoverdayîşê şarî do dewam bikerê. Rayber Apo seba ma semedê estbîyayîş o. Rayber Apo rayberêk o ke bi ruh û canê xo şar û milîtananê xo reyde bi yew. Ma reyna vajê se beno wa bibo ma do hêvîya dişmenî pûç bikerê. Ma do ser bikewê.''