Fermandaranê Muxafizanê Sînorî yê Iraqî ra Zubêr Halîyo ke 2020 de hêrişê dewleta tirke de dinyaya xo bedilnabî, Biradost de ame yadkerdene. Merasîm dewa Goreşêrî yê Biradostî de ame kerdene û xeylêk kesî tewrê merasîmî bîyî. Merasîm heta nêmeyê şewe dewam kerd.

Hêzê Helgurdî yê PDKyî 11ê tebaxa 2020î de ver bi wareyanê Berbizinî û sînorê Kelaşînî yê Biradostî kewtbî rayîr ke uca warê gerîlayan bi. Coka gerîlayan hişyarîye dabî hêzanê Helgûrdî ke wa xo nêzdîyê herême nêkerê.

Heman roje bi desan wesayîtanê zirxînan, çekanê giranan û alaya Iraqî reyde hêzêko pîl ê muxafizanê sînorî yê Iraqî Hewlêrî ra resa Biradostî. PDKyî herême daye fîşekan ver û nêmroje ra dima leşkerê Iraqî resayî warê şerî. Fermandar Zubêr Halîyo ke Biradostî ra yo, o çax seba çareserkerdişê mesele ame herême û Fermandaranê HPGyî ra Egîd Garzanî de pêvînayîş kerd.

Pêvînayîşî ra dima 11ê tebaxa 2020î de saete 13.00 de droneyanê çekdaran ê dewleta tirke herême daye bombayan ver û hêrişê fermandaranê Iraq û HPGyî kerd. Netîceya hêrişî de Zubêr Halî, Egîd Garzan û fermandarêkê artêşa Iraqî şehîd bîyî.