5ê hezîrane de konvoyê wesayîtanê PDKyî wexto ke resa Metîna dewleta tirke hêrişê ci kerd û teqayîşêk ame meydan. Hêriş de 5 pêşmergeyî şehîd bîyî. HPGyî eşkerayîyêka xo de pare kerd ke hêriş hetê înan ra nêame kerdene.

Fermandarê Pêşmergeyan Qadir Xoranîyî hesabê xo yê facebookî de eşkerayîyêka kilme daye û qala teqayîşî pê hîrê madeyan kerde.

-Ez bi xo wesayîtê zirxînî ra siwar bîya ke no wesayît zaf zixm û bihêz o.

-Wesayîtî ser o qet rêçê guleyî çin o. Eke hêriş pê fuzeyî biameyêne kerdene o çax ganî serê wesayîtî de qulikî bibîyêne.

-Goreyê qiseykerdişanê pêşmergeyan ê birîndaran şer nêqewimîyayo. Înan vat ke hêriş hasmênî ra ame kerdene. Beno ke hêriş hetê teyarayanê F-16an ra yan zî hetê teyarayanê bêmerdiman ra ameya kerdene.

Fermandarê pêşmergeyan nameyê nêda la eşkera kerd ke 'hêzêkê terorîstî' yê wayîrê F-16an yan zî teyarayanê bêmerdiman hêriş kerdo. Fermandarî vat: ''Ez vana qey hêzêkê terorîstî yê vera pêşmergeyan no hêriş kerdo. Peyê ci de armancê sîyasî estê. No hêriş plankerde yo û armancê ci zî qirkerdişê kurdan û çinkerdişê Herêma Kurdîstanî yo.''