Fermandaranê Yewînanê Rojhelatê Kurdîstanî (YRK) ra Şîyar Şevgerî derheqê tecrîdê vera Rayberê Şarê Kurdî Abdullah Ocalanî de qisey kerd. Şevgerî vat ganî şarê Rojhelatê Kurdîstanî vera tecrîdê Ocalanî sere wedaro. Qiseykerdişê Şevgerî ra beşêk wina yo:

"Ma sey rojhelatijan îdeolojî û felsefeya Rayber Apoyî seba xo sey esasêk gênê. Dewleta tirke ya faşîste her ke şono tecrîdê vera Rayber Apoyî giran kena û nêverdana ke şarî fikranê Rayber Apoyî reyde biciwîyê.Ma seba ke tecrîdê vera Rayber Apoyî bişiknê xo amade kenê, têkoşîn kenê. Seba ke ma Rayberê xo azad bikerê çi wezîfe bikewo ma milî ma do bikerê.  Ma do serra 2020î de konreya neteweyîye serûber bikerê û seba şiknayîşê tecrîdî yê vera Rayber Apoyî bixebitê.

Seba şiknayîşê tecrîdê vera Rayber Apoyî eke serewedaritiş hewce bibo ma do sere biwedarê. Ganî ciwanî rayberîya naye bikerê, ganî ciwanî tewrê Têgêrayîşê Azadîye yê Kurdîstanî bibê, verê xo bidê koyan.Têkoşîn zî azadîye zî mîyanê gerîlayan de yê, koyanê azadan de yê. Seba cuya azade ma do têkoşîn bikerê, vera îşxalan şer bikerê.Şiknayîşê tecrîdî wezîfeyê ma yê pêroyînan o. Îşxalkerî do bêrê çinkerdene. No dewir dewirê şorişê şaran o. Bi taybetî Rojhelatê Mîyanênî de şorişê şarê kurdî do ser bikewo."