Fermandarîya Eyaletê Heftanînî ê kesê ke îşxalkeran rê xizmet kenê pê eşkerayîyêke hîşyar kerdî.

Eşkerayîye wina ya:

''Xoverdayîşê gerîlayanê azadîye yê Kurdîstanî her cayê Kurdîstanî de bi taybetî Heftanîn û Garê de xoverdayîşê pîlî kerdî û serkewtişê girîngî vistî destî. Şarê ma pê moral û hêzo ke gerîlayan ra girewt pê ruhê Garê Newroze de vejîya meydanan û reyna îsbat kerd ke şarê ma şarê serewedaritişî yo.

Prosesê winasênî de xora dewleta tirke ya îşxalkere plananê xo yê îşxalî ra fek vera nêda û heta wazena ke plananê xo aver bera. Dewleta îşxalkere şarê ma bi taybetî şarê ma yê Başûrê Kurdîstanî daxîlê nê planan kena û bi nê hawayî wazena plananê xo yê gemarinan bîyara ca. Na çarçewe de tay kesî seba menfaatê xo yê madî îşxalkeran rê ardim kenê û viraştişê rayîro ke Girê Koordîne yê warê Bektorya yê Heftanînî akeno de ca gênê. Nê rayîrî seba îşxalê Kurdîstanî virazîyenê. Kesê ke nê rayîran virazenê, hacetê nê armancê gemarinî benê dişmenê xo rê xizmet kenê û vera kurdan û Kurdîstanî zî sûc kenê.

Fermandarîya ma verî zî nê kesî hîşyar kerdni. Xeylêk kesan rîyo raştikên ê dişmenî dî û nê vengdayîşê fermandarîye ser o îşxalkeran rê xizmetî ra fek vera da. La tay kesî hema zî îşxalkeran rê xizmet kenê û îşxalê Başûrê Kurdîstanî de rolêk kay kenê. Ma reyna nê kesan hîşyar kenê û venga înan danê ke wa dişmenî rê xizmet nêkerê, nê kerdişanê ke yew eleqeyê ci pê welatperwerîye çin o war verdê û tewirêkê neteweyî û welatperwerî bimojnê.''