Fermandarîya Eyaletê Heftanînî bi eşkerayîyêka nuştekîye qorîcîyê ke tewrê hêrişê îşxalî yê dewleta tirke benê hîşyar kerdî.

Eşkerayîye de nê ameyî parekerdene:

''Operasyonê artêş û çeteyanê pabesteyanê Erdoganî serrêke xo dima verda. Vera nê operasyonî  sexsê Zagros, Egîd, Amara, Rûbar, Bêrîtane, Tolhîldan, Esmer, Goran, Rustem, Zelale, Mazlûm, Ferman, Zana û Mîzgînan de têkoşîno tewr biheybet ê tarîxî na herra bimbareke de dîya û bi heme hêzê xo dewam keno.

 Ma Heftanîn de têna vera artêşa dewletêke şer nêkenê.  Heftanîîn de çeteyanê ke xo vera pereyî rotê ameyî pêserkerdene. Ma verî zî zaf rey hîşyar kerd la înan goştarî ma nêkerd. Tewr peynî de vera dewanê Pîrbûla û Banike hêrişêk kerd. Seba ke şar zirar mevîno ma sey eyalet mudaxale nêkerd. Ma nê çeteyan Cizîre, Nisêbîn û Sûrî ra sarisnenê. Eke ma mudaxale bikerdêne înan dewijî mirênayêne. Nê çeteyan seba ke zanayêne ma nêeşkenê mudaxale bikerê, hêrişê dewan kerd û bitayetî zî dewa Banike de xeylêk keyeyî rijnayî. Wexto ke nê hêrişî bîyêne hêzê pêşmergeyî yê Iraqî ke nizdê dewe ke ameyî cakerdeneke dewijan bipawe, têna ê seyr kerdî. Herina hetkarîkerdişî de pê şarê ke mecbur mendo herême ra bar bikero, bêqûnî kerdo. Ma nînan ra reyna persenê, eke amancê şima pawitişê şarî nîyo, şima tîya çi gerenê?

Nê operasyonî de bitaybetî serqorîcîyê dewanê  Bejuh, Megeh, Hedriş û Kerorî serkeşîye kenê. Ma nê bêehleqan rê vanê ke kerdişê şima do cayê şima de memanê.  Seba ke şima dewê şarê ma vêşnayî, heme estbîyayîşê şima hedefê ma de yo. Senî ke şima rê ferq nêkeno şima hêrişê şarê xo kenê, ewro ra tepîya şima zî ma rê ferq nêkenê. Heta nika xeylêk rey qor,cîyî kewtî hedefê ma la hêzanê ma mudaxeleyê înan nêkerd. Ma nê çeteyan rê vanê ke hînî ma înan cîya nêkenê. Warê ma de nika serkeşîya Cafer Benkî de xebatê rayîrî virazîyenê. Şima do bedelê naye miheqeq bidê. Ne şarê ma ne zî gerîla do kerdişanê şima xo vîrî ra bikero. Hela ke wextê ci bêro, do hesabê ci bêro persayene. Şima do hesabê her dara ke Heftanînî de birnaya, bidê. Destê ma de xeylêk nameyî estê. Ma do nameyê nê bêanoran şarê xo dir pare bikerê. Ma soz danê şehîdan û şarê xo yê welatperwerî ke hesabê heme hêrişan do bêro persayene.''