Fermadanrîya Warê Xebûr Metîna ya HPGyî eşkerayîyêka nuştekîye daye û nê pare kerdî:

''Ewro saete 04:00 de hêzê ke pabesteyê PDKyî yê  vera nuqtaya stratejîke ya Metîna ke mabênê Girê Çarçel û girê Hakkarî de ya  di hetan ra hêriş kerd. Her qolê hêrişî de zafê îna zirxinî 50 wesayîtê leşkerî estbî. Hêzanê ma pê çekanê ferdîyan seba ke înan peyser açarnê guleyî teqnayî. La nê hêzan rixmê îqazkerdişî bi pozîsyonê hêrişê averşîyayîşî rê dewam kerd. Cayo ke qala ci yena kerdene derûdorê ci de dewî  û cayê roniştişî çîn ê. 25 serrî yo pêşmergeyî nênê tîya. Tîya de exleb gerîlayî estê û vera hêrişê îşxalî yê dewleta tirke nê warî de mayînî ameyî cakerdene. Rixmo ke nê pêro yenê zanayene û îqazkerdişan nê wesayîtan rayîrê xo rê dewam kerd. Înan ra yew ya zî di wesayîtî raştê teqayîşî ameyî ke sebebê ci nêame tespîtkerdene. Netîceya teqayîş vînbîyayîşê ganî esto. Ma no netîce nêwaştene û ci ra dej ancenê. Berpirsîyarê nayî ma nê înanê ê hêzî şawîtî tîya ê yê.

Gerîlayê Azadîye yê Kurdîstanî vera operasyonê dişmenî Kêste û Zendûra de 43 rojî yo xoverdayîşî tarîxî dano. No tewir yeno na mana ke ê  vera gerîlayan paştî danê  dewleta tirke. Pê dorgirewtişê nê waran yeno waştene ke warê gerîlayan bêro tengkerdene ke têkoşîn bibo sist. No xizmetê verakerdişê dewleta tirke keno. No eynî wextî de pey ra xençerkerdişê gerîlayan o. Rixmê nayî hêzanê ma yê gerîlayan hêzê ke ameyî sey hedefî nêgirewtî. Nê hêzî rîyê xetayanê xo ra ya zî netîceya hedefbîyayîşê tayînanê bînan ra no netîce girewt. Dima ra hêrişê hêzanê ma kerd û pêkewtiş aferna ke pozîsyonê nê pêkewtişî hema dewam keno.

Wexto tewr tarîxî de no cehdkerdişê PDKyî tehlukeyo pîlo ke mabênê hêzanê kurdan de pêkewtişê xurtî bido destpêkerdene. No zirar dano  heme kurdan û dewaya neteweyîye ya Kurdîstanî. Ma nêwazenê ke reyna mabênê kurdan de pêkewtiş biqewimîyo. Ma têna wazenê vera dewleta tirke ya ke dişmenê şarê ma ya, xover bidê û şer bikerê. Ma nê şerî de qerardar ê ke heta peynî xover bidê û ser bikewê. Gerîlayê Kurdîstanî pê xoverdayîşê xo yê 43 rojan ramojneno ke  eşkeno hêrişê vera Başûrê Kurdîstanî bin bifînê. Tradîsyonanê ma de cayê pey ra derûdorgirewtişî çîn o. No tewir ameyoxê şarê ma fîneno binê tehlukeyî. Ma sey Gerîlayanê Azadîye yê Kurdîstanî ke veng danê ke seba ke PDK nê tewirê xo caverdo wa sere de şaro welatperwer ê Behdînanî, heme şarê kurdî, hêzê sîyasîyî, roşnvîr û hunermendî wezîfeyê xo bîyarê ca.''