Fermandarîya Qerargehê Merkezê Pawitişî yê Şarî bi serkewteye ya ke  23ê nîsane de Gever de ameye viraştene Fermandarîya Eyaletê Avaşînî pîroz kerd û nê vatî:

''Çarçeweya Hemleya Şorişgêre ya Şehîd Bager û Şehîde Ronya ya sahaya şima de dewam kena de çalakîya ke şima 23ê nîsane de qilê Dermanî yê Geverê Colemêrgî de vera hêzanê dişmenî viraşte netîceyê serkewteyî kewtî dest. Na çalakîya de bi tewirê vireyî ameyo kewtene mewzîyanê dişmenî ke dişmen vera naye şaş mendo. Rixmê heme teknîk û îmkananê dişmenî şima yewîyê înan eciqanyî, şîyî înan ser çeka înan fîna dest û bê vînîbîyayîşî agêrayî. Na netîceyêka girîng a. Dişmeno ke derbeya girde werde mewzîyê xo caverdayî. Plankerdiş û bicaardişê çalakîya ke hêzanê şima yê eyaletî çarçewaya Hemleya Şorişgêre bi taktîq û tewirê neweyî viraşte bi cesaret û afernayoxîyêka xurte de bîyî yew û bi nê hawayî netîce girewt. Ma hemrayanê ke tewrê na çalakîye bîyê û çalakîye bi hawayêkê afernayoxî viraştê reyna pîroz kenê, înan rê serkewtiş wazenê. Şexsê şima de heme hêzanê eyaletî bi heskerdiş û hurmet silam kenê. Bi hîsanê şorişgêran ê zerrî ra ma şima heminan rê serkewtiş wazenê.''