Fermandarîya Qerargehê Merkezê Pawitişê Şarî (MPŞ) seba çalakîyanê înan ê fîrazan pêro şerwan û fermandarê Eyaletê Zapî bi mesajêkî fîraz kerdî.

Mesaj wina yo:

''Ma şexsê Fermandara Pîle Bêrîtane (Gulnaze Karataş) û şehîdanê Zapî Jîndare Rûmet Meyaser û Zagros Bestayî de pêro şehîdanê ma bi rêz û minetî yad kenê. Ma serrrgêra 30. ya ronîyayîşê artêşa cinîyan ê azadan YJA-Starî fîraz kenê û serranê 31. de pêro embazan rê serkewtiş wazenê.

16ê teşrîna verêne de Warê Xoverdayîşî yê Kokerî de şima çalakîya bi koordîne ya serkewte kerde. Serkewtişêko girîng o ke dişmen hîrê baskan ra ameyo pirodayene, 15 îşxalkerî ameyê cezakerdene, 4 xeymî û 1 mewzî ameyê îmhakerdene la zerarêk nêresayo hêzanê ma ser. Warêko winayêno ke dişmen bêmabên dana bombayan ver û tede pêro teknîkê xo yê şerî şuxilneno, bi hawayêkê bitesîrî dişmen ame pirodayene ke no îsbatê binkewtişê dişmenî yo. Artêşa îşxalkere her ke hêrişanê xo de israr bikera do biba hedefê gerîlayan û derbanê giranan biwera.

18ê teşrîna verêne de embazanê ma Jîndare û Zagrosî vera teknîkê dişmenî şerê îradeyî da, bi cesaretî ê şîyî serê dişmenî, derbî dayî piro.

Nê çalakîyî û no îrade vera hêrişanê serê Eyaletê Zapî cewabêko girîng o. Hetê bînî ra xoverdayîşê embazanê ma yo ke serrêke û nêmî ra nata tunelanê Şehîd Doganî yê Warê Xoverdayîşî yê Sîda de danê, tarîxî û zaf manadar o. Artêşa îşxalkere rixmo ke pê teyara, helîkopter, tank, teqaber, çekanê kîmyewîyan, bombayanê nukleran hêrişê tîya kena nêeşkaye netîce bigêra. No xoverdayîş hema zî bi îrade û bawerîyêka pîle yeno kerdene. Bêguman çîyo tewr girîng o ke dişmen bêtesîr kerdo no yo ke gerîlayî taktîkan û terzê şerî yê neweyî bi bawerîyêka pîle pratîze kenê. Bi na wesîle ma xoverdayîşê embazan ê tunelanê Şehîd Doganî selam kenê.

Embazê ercîyayeyî;

Ma pêro şerwan û fermandaranê ma fîraz kenê ke nê xoverdayîşî bi kedêka pîle, zeka, cesaret, eql, îrade û xîretî kenê, plananê dişmenî pûç kenê, çalakîyanê serkewteyan kenê. Ma pêro embazanê ma yê şerwan û fermandaran zerrî ra selam kenê. Têkoşînê şima yê bi ruhê Apogîrî de ma şima rê serkewtiş wazenê û ma pê bawer ê ke şima do netîceyanê xurtan bivisnê destî.''