Komîteya Amadekarîye ya Festîvala Kultur û Xoza ya Munzurî bi eşkerayîyêke da zanayene ke semedo ke waqayê janê Korona şaristan da zaf zêdîyayî festîvale ameye betalkerdene.

Eşkerayîye de bale ameye antene ser ke Dêrsim de waqayê vîrusê Korona zêdîyayî û varyantê delta zî ame tesbîtkerdene. Komîte pare kerd ke festîvale do nufusê şaristanî bizêdîyayêne coka semedo ke verê tehlukeyî bigêrê înan festîvale taloqê serrnê kerde.

Eşkerayîye de ama vîrvistene ke Dêrsim de wextêkî ra nata bi bahaneya Korona qedexeyê çalakî û aktîvîteyan yenê caardene û nê qedexeyî hînî bîyî sîstematîk. Komîte vat: ''Festîvala Kultur û Xoza ya Munzurî semedê dêrsimijan rayîrê wayîrvejîyayîşê nasnameyê xo yo. Ma do festîvala 20. de serrnê reyna seba ke ziwan, kultur, nasname û xozaya xo bipawê bêrê yewca.''