Merkezê Îrtîbatî û Çapemenîye yê HPGyî da zanayene ke hêrişanê kîmyewî û nukleran ê artêşa tirke ya îşxalkere de 5 gerîlayê înan şehîd bîyê û nasnameyê gerîlayanê şehîdan eşkera kerdî û nê vatî:

''Dewleta tirke ya qirker a ke pê îradeyê gerîlayan nêeşkena, ancî bi çekanê nukler û kîmyewîyan sûcanê şerî kena. Embazê ma Berçeme, Rusten, Şahîn û Ciwan nê hêrişan de şehîd bîyî. Embaza ma Jîyane zî  bi cesaretî şîye  dişmen ser û pêkewtiş de şehîd bîye. Şuxilnayîşê nê çekanê kîmyewî û nukleran a raşte tewr zaf ecizîyetê dewleta tirke mojneno. 

Embazanê ma Berçeme, Rustem, Şahîn, Ciwan û Jîyane tunelanê şerî yê Girê Ortê de tarîx newe ra nuşt. Ma sere de keyeyanê înan ê ercîyayeyan rê pêro şarê ereb û kurdî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Berçeme Umut Name û Peyname: Suzane Duman Cayê Bîyayîşî: Colemêrg Maye-Pî: Perîşane – Mehmet Tahîr Tarîx û Cayê Şehadetî: 15ê Teşrîna Peyêne ya 2023yî / Metîna

 

Nameyê Qodî: Rustem Arpêt Name û Peyname: Orhan Yakut Cayê Bîyayîşî: Wan Maye-Pî: Fadîle – Vahdullah Tarîx û Cayê Şehadetî: 18ê Kanûna 2023yî / Metîna

 

Nameyê Qodî: Şahîn Nûda Name û Peyname: Bedran Gokdemîr Cayê Bîyayîşî: Mûş Maye-Pî: Selîme – Îlhamî Tarîx û Cayê Şehadetî: 18ê Kanûna 2023yî / Metîna

 

Nameyê Qodî: Ciwan Minbic Name û Peyname: Salih Tewfîq Cayê Bîyayîşî: Minbic Maye-Pî: Xalsa – Tewfîq Tarîx û Cayê Şehadetî: 18ê Kanûna 2023yî / Metîna

 

Nameyê Qodî: Jîyane Timoqî Name û Peyname: Dîlane Tunç Cayê Bîyayîşî: Êlih Maye-Pî: Turkiya – Şemsettin Tarîx û Cayê Şehadetî: 26ê Kanûna 2023yî / Metîna

Embaza ma Berçeme Colemêrg de dadîya xo ra bena. A hêverî xebatanê ciwanan de cagêna û dima 2014 de verê xo dana koyan bena gerîla. A Xakurkê de perwerdeyê verênî gêna. Embaze Berçeme bi perwerdeyan tim xo aver bena. A Şingal de vera DAÎŞî şer kena. Akademîya Şehîd Îbrahîmî de perwerde gêna. A bi taybetî şehadetê waka xo ra dima şerêkê bêemanî kena û tunelanê şerî de serkêşîya têkoşînî kena.

 

 

Embazê mi Rustem qezaya Westanî ya Wanî de dadîya xo ra beno.  O şehadetê waka xo Bahare û hêrişanê DAÎŞî ra dima herêma Feraşînî de tewrê gerîlayan beno. Perwerdeyî ra dima o Metîna de dest pê perwerdetî keno. Embaz Rûstem bi taybetî tunelanê şerî yê Girê Ortê de xoverdayîşêkê xurtî keno. O heta şehadetê xo zî tewir û xoverdayîşê xo ra fek vera nêdano.

 

Embaz Şahîn qezaya Gimgimî ya Mûşî de dadîya xo ra beno. Embaz Şahîn gêrayîşanê xo ra dima 2015 de Botanî ra tewrê gerîlayan beno. O Herêmanê Pawitişî yê Medya de têkoşînêkê xurtî keno. Embaz Şahîn Heftanîn de xeylêk çalakîyan de cagêno û dima tunelanê şerî yê Girê Ortê de têkoşînêkê bêemanî keno. Embazê ma Şahîn heta şehadetê xo zî derbanê giranan dano dişmenî ro.

Embazê ma Ciwan sey ewladêkê şarê erebî Minbic de dadîya xo ra beno. O îşxalê DAÎŞî ra dima tewrê xoverdayîşî beno û azadkerdişê Minbicî ra dima tewrê gerîlayan beno. Embaz Ciwan tunelanê şerî yê Girê Ortê de tim têkoşînê xo aver beno û keno ke bibo layîqê embazanê xo. Ma zî do tim vîrameyîşê ey bipawê.

Embaza ma Jîyane Êlih de dadîya xo ra bena. Embaze Jîyane hêverî tewra xebatanê ciwanan bena û dima zî 2015 de verê xo dana koyan, Garzan de bena gerîla. A Şingal de vera cerganê DAÎŞî şer kena, Avaşîn de têkoşîn kena û bi cesaretî şina serê dişmenî. Embaza ma Jîyane tunelanê Girê Ortê de mojna ke ma do rayîr nêdê dişmenî û tim qesasê şehîdanê xo tira bigêrê.''