Hemşaredaro verên ê Filattiera ya Îtalya Paolo Zammoriyî ke hemwelatîya rûmete daye Rayberê Şarê Kurdî Abdullah Ocalanî û 1999 de Roma de Abdullah Ocalan reyde pêvînayş kerd, xeylêk wexto derheqê meseleya kurdan û konfederalîzmê demokratîkî de xebatan rayra beno.

Zammorîyî wextê zîyaretê xo yê Şingalî de mîkrofonanê ma rê qisey kerd. 

Zammorîyî vîst vîrî ke ey raya verêne 1998 de gama ke Roma de Abdullah Ocalan zîyaret kerd, ey ra fîkrê konfederalîzmê demokratîkî eşnawit û vat: “Fîkrê Rayberê Şarê Kurdî Abdullah Ocalanî semedê sosyalîzmî rayîrêko newe yo. nê fîkrî tesîrê dinyaya rojawanî kenê. Abdullah Ocalan zanisto pîl o. Ma kenê ke fîkrê komfederalîzmê demokratîkî Îtalya de vila bikerê.”

Zammorîyî bale ante rewşa Şingalî ser û vat, “rewşê zaf giran a. Ma seke ameyî bêmabên wesayîtê hewayîyî yê bêmerdimî hêriş kenê. Derûdorê Şingalî de nûqtayê kontrolî zêdîyayî. Vera nê şarê Şingalî hetê îdeolojîya konfederalîzmî ra xo aver berdo. ”

Zammoriyî vera PDK û hukmatê tirkî hêrsê xo ard ziwan vat, “PKK û Abdullah Ocalanî ma mûsna ke ma gerek xo bipawê. Ma nêwezanê kesê bînî ma bipawê. ”

Zammorîyî vat ê çîyê ke tîya vînenê gama agêrayî Îtalya do biresnê şar û selehîyatdaran.